Orde AEC/2909/2011, do 21 de outubro, pola que se establecen as bases para a concesión de subvencións de cooperación internacional para o desenvolvemento, publicado no BOE do 29 de outubro.

Tipos e contías das subvencións.
1. As subvencións reguladas nas presentes bases poderán adoptar a seguinte tipoloxía, segundo o seu obxectivo, alcance e duración:
a) Convenios de cooperación para o desenvolvemento.
b) Proxectos de cooperación para o desenvolvemento.
c) Accións de cooperación para o desenvolvemento.
2. Os recursos financeiros para dotar cada unha das convocatorias procederán dos créditos anuais asignados a tal fin nos presupostos da AECID, incluíndo os incrementos que se deriven da maior recadación do Imposto sobre a Renda das Persoas Físicas (IRPF) en concepto de «outros fins de interese social». A partir do importe total destes créditos presupostarios, sen prexuízo do establecido no artigo 17 respecto da porcentaxe de reserva para a realización de avaliacións, se efectuará una asignación a las distintas convocatorias de acuerdo con los siguientes porcentajes:
a) Para a financiación de convenios de cooperación ao desenvolvemento, un mínimo do 60 por cento e un máximo do 70 por cento.
b) Para a financiación de proxectos de cooperación ao desenvolvemento, un mínimo do 20 por cento e un máximo do 30 por cento.
c) Para a financiación de accions de cooperación ao desenvolvemento, un mínimo do 10 por cento e un máximo do 20 por cento. Do crédito asignado a este tipo de convocatorias reservarase unha porcentaxe mínima do 10 por cento para as subvencións de actividades realizadas fóra de España, en países prioritarios da cooperación española, e solicitadas por entidades non gobernamentais dos devanditos países, que cumpran os requisitos que establece o artigo 5.2.c).3.º para aqueles que accedan a esta reserva de crédito.3.  Convenios de cooperación para o desenvolvemento: Os convenios de cooperación para o desenvolvemento responderán a estratexias a máis longo prazo e de maior impacto, polo que terán por finalidade a consecución dun obxectivo xeral de desenvolvemento, podendo contemplar a actuación en varios países, así como en varias áreas ou sectores.
Terán carácter plurianual, cunha duración máxima do seu período de execución de catro anos, podendo prorrogarse pola metade do prazo inicial, sen que o número de exercicios aos que poidan aplicarse os pagamentos poida ser superior a catro anos. As ampliacións dos prazos de execución rexeranse polo disposto no artigo 16.3.
A subvención otorgable pola AECID para un convenio será dun mínimo de 1 millón de euros para o caso de convenios de Educación para o Desenvolvemento, e de 2,5 millóns de euros para o resto dos convenios, e dun máximo de 20 millóns de euros, para o total dos catro anos, sen que poida superar o máximo de 5 millóns de euros anuais. As ONGD que non obtivesen anteriormente financiamento por parte da AECID, como adxudicatario directo, non poderán recibir, mediante a súa participación en agrupacións para a execución de convenios nin mediante contratación, un importe superior a 80.000 euros con cargo ao total das subvencións concedidas na convocatoria.
4. Proxectos de cooperación para o desenvolvemento: Os proxectos de cooperación para o desenvolvemento terán por finalidade a consecución dun obxectivo específico de desenvolvemento, nun único país, podendo alcanzar a actuación ás áreas ou sectores priorizados na convocatoria que sexan necesarios para a consecución dese obxectivo. Cando se trate de proxectos cuxa finalidade sexa a Investigación para o Desenvolvemento e o Fortalecemento de Redes e Consorcios, as actuacións poderán estenderse a varios países. O financiamento dos proxectos será anual, aplicándose o importe total subvencionado ao presuposto do exercicio correspondente á aprobación. A duración máxima da súa execución será de dous anos, podendo prorrogarse pola metade do prazo inicial. As ampliacións dos prazos de execución rexeranse polo disposto no artigo 16.3.
A máxima subvención otorgable pola AECID para un proxecto será de 900.000 euros.
As ONGD que non obtivesen anteriormente financiamento por parte da AECID, como adxudicatario directo, non poderán recibir directamente nin mediante a súa participación en agrupacións para a execución de proxectos ou mediante contratación, un importe superior a 80.000 euros con cargo ao total das subvencións concedidas na convocatoria.
5. Accións de cooperación para o desenvolvemento: As accións de cooperación para o desenvolvemento terán por finalidade a consecución dun obxectivo xeral ou específico de desenvolvemento, nun país ou en varios, e nunha ou en varias áreas ou sectores, dependendo do que se estableza para cada unha de liñas seleccionadas como prioritarias na convocatoria. Cada convocatoria establecerá as liñas prioritarias a financiar, os obxectivos destas, os créditos que terán asignados e os requisitos esixibles aos adxudicatarios para cada unha delas.
O financiamento das accións será anual, aplicándose o importe total subvencionado ao presuposto do exercicio correspondente á aprobación. A duración máxima da súa execución será de dezaoito meses, podendo prorrogarse pola metade do prazo inicial. As ampliacións dos prazos de execución rexeranse polo disposto no artigo 16.3.
A máxima subvención otorgable pola AECID para unha acción será de 600.000 euros.
As ONGD legalmente constituídas e con capacidade de obrar en España, que non obtivesen anteriormente financiamento por parte da AECID, como adxudicatario directo, non poderán recibir directamente nin mediante a súa participación en agrupacións para a execución de accións ou mediante contratación, un importe superior a 80.000 euros con cargo ao total das subvencións concedidas na convocatoria. 6. As subvencións concedidas pola AECID ao abeiro destas bases reguladoras poderán alcanzar o 100 por 100 do custo total do presuposto das intervencións propostas, sempre que a subvención outorgada non sexa superior aos 600.000 euros. Para subvencións superiores, será necesaria a achega doutros fondos por un mínimo do 5 por 100 sobre o importe da subvención que exceda de 600.000 euros, que poderá ser sufragado mediante a achega de fondos propios, cun mínimo do 1 por 100, ou procedentes doutros financiadores. En ambos os dous casos, estas achegas serán sempre monetarias e aplicaranse integramente ao financiamento de custos directos.
7. As subvencións reguladas nestas bases serán compatibles con outras axudas que teñan a mesma finalidade, sempre que o importe da subvención, en ningún caso sexa de tal contía que, illadamente ou en concorrencia con outras subvencións, axudas, ingresos ou recursos, supere o custo da actividade subvencionada.
8. Salvo que, de acordo co establecido no artigo 19.5 da Lei 38/2003, do 17 de novembro, o adxudicatario sexa unha Administración Pública española, os rendementos financeiros que se xeren polos fondos librados aos adxudicatarios das subvencións, incrementarán o importe da subvención concedida e aplicaranse igualmente á actividade subvencionada coas mesmas condicións que aquela, podendo aplicarse a estes a porcentaxe de custos indirectos establecida no artigo 13. Os rendementos financeiros que se xeren polos fondos librados aos adxudicatarios das subvencións deberán acreditarse mediante certificación bancaria.