O curso, que xa tivo unha primeira edición en decembro do 2006, está dirixido principalmente a estudiantes do ámbito sanitario, así como para estudiantes de másters e estudios de postgrao en temas de saúde, cooperación e/ou políticas públicas.
Os organismos internacionais, as ONGD e outras institucións puxeron en marcha algunhas iniciativas para avanzar na loita contra as desigualdades. Unha iniciativa global é a dos Obxectivos de Desenvolvemento do Milenio, suscrita por 191 membros de Nacións Unidas para poñer fin á pobreza e mellorar as condicións de vida de toda a humanidade antes do 2015. Pasados seis anos dende o nacemento dos Obxectivos de Desenvolvemeto do Milenio, este curso é un bo momento para informar á poboación da sua existencia, avaliar a situación dos Obxectivos en materia de saúde e coñecer as iniciativas que se están a levar a cabo para acadalos.
Os Obxectivos do Milenio relacionados coa saúde e nos que centra Farmamundi a súa actividade son:
Obxectivo 4: Reducir a mortalidade infantil Meta 5: Reducir en dúas terceiras partes, entre 1990 e 2015, a tasa de mortalidade dos nenos menores de 5 anos.
Obxectivo 5: Aumentar a saúde materna Meta 6: Reducir en tres cuartas partes, entre 1990 e 2015, a taxa de mortalidade materna.
Obxectivo 6: Combatir o VIH/SIDA, o paludismo e outras enfermidades.
Meta 7: Deter e comezar a reducir a propagación do VIH/SIDA
Meta 8: Deter e comezar a reducir a incidencia do paludismo e outras enfermidades graves.