Otras noticias

O IGADI (Instituto Galego de Análise e Documentación Internacional) ven de asinar un acordo de colaboración coa Axencia de Nacións Unidas para os Refuxiados de Palestina (UNRWA). O obxectivo primordial da colaboración é o de dar a coñecer á sociedade galega a situación que se vive nos 59 campos da poboación refuxiada nos que a UNRWA está presente, así como recadar fondos que permitan o mantemento dos servizos que prestan á poboación refuxiada.

A Fundación Lealtad presenta a Guía 2007 da Transparencia e as Boas Prácticas das ONG, na que avaliaron a 117 organizacións. Lealtad aproveitou a presentación do informe, que retrata o sector das ONG, para reclamar ao goberno a creación dun rexistro central accesible ao público a través de internet, onde se recolla a información financeira e de xestión das organizacións non gobernamentais, especialmente aquelas que reciban fondos do Estado, para promover a súa transparencia nas súas prácticas.

A Axencia da ONU para a poboación Refuxiada (ACNUR), no seu  informe "Tendencias mundiais 2006", dado a coñecer hoxe, revela que o número de persoas refuxiadas baixo o mandato da axencia medrou un 14% o pasado ano, acadando case os 10 millóns. o nível máis alto dende 2002. En 2006, o maior grupo da poboación refuxiada baixo o mandato da ACNUR seguiu sendo a afgana (2,1 millóns), seguido pola iraquí (1,5 millóns), sudanesa (686.000), somalí (460.000) e da República Democrática do Congo e Burundi (sobre 400.000). As estatísticas da ACNUR no inclúe a uns 4,3 millóns de persoas refuxiadas palestinianas en Jordania, Siria e os Territorios Palestinos Ocupados.

Si todo segue igual como ata o de agora, os Obxectivos do Milenio cumpriranse en todo o mundo, pero cen anos depois do previsto. Social Watch di que a falta de vontade estanca o desenvolvemento e que algúns países incluso retroceden. Para facer esta afirmación Social Watch baséase no seu Índice de Capacidades Básicas, un informe que analizou a realidade de 161 países en cuestións como o acceso á educación e a saúde a nível nacional e local, a supervivencia das persoas menores de idade e a porcentaxe de partos atendidos por persoal especializado.