Noticias de Cooperación Galega

 A Xunta de Galicia sumouse aos esforzos do Fondo Galego no ano 2005, momento en que se dá inicio a unha estreita colaboración para o cofinanciamento de proxectos municipalistas en Cabo Verde
 Dende que o Fondo Galego comezou a operar en Cabo Verde ata a actualidade leváronse a cabo un total de 42 proxectos de cooperación ao desenvolvemento

 A delegación galega manterá varios encontros con membros do Goberno caboverdiano e con membros das cámaras municipais onde se están a levar proxectos financiados pola Xunta de Galicia
 A cooperación galega no país africano está presente en moitos sectores, coma a pesca, a formación turística e a educación ambiental

Despois da Segunda Guerra Mundial, o nacemento das Nacións Unidas como organismo internacional no ano 1945 significou a fin dunha época da historia mundial marcada pola guerra e os conflitos internacionais e o inicio dunha nova etapa da Comunidade Internacional que permitiría esixir aos estados a resolución dos conflitos dunha forma pacifica e o mantemento da paz de forma duradeira.

No ano 2006, coincidindo coa aprobación polo Consello de Ministros do Estatuto do Cooperante, estableceuse en España o 8 de setembro como o Día especialmente dedicado a este colectivo, en memoria da data na que a Asemblea Xeral das Nacións Unidas subscribiu a Declaración do Milenio no ano 2000.