APOIO SANITARIO PARA A MELLORA DO NIVEL DE SAÚDE DA POBOACIÓN QUE VIVE NOS CAMPAMENTOS DE REFUXIADOS SAHARAUÍS EN TINDOUF.

A SOGAPS executou un proxecto de apoio ao sistema sanitario saharauí no referente aos servizos de atención primaria, en especial a atención á poboación máis vulnerable dos campamentos de refuxiados. Este proxecto é a continuidade doutro xa desenvolvido no 2008 pola SOGAPS, de formación pediátrica aos profesionais sanitarios dos dispensarios e hospital dos campamentos Tinduf e conta para a súa realización co apoio e a colaboración das autoridades sanitarias saharauís, e a súa contraparte no terreo é o denominado Ministerio de Saúde Pública, da República Árabe Saharauí Democrática (RASD). Este proxecto desenvolverá accións de: atención sanitaria á poboación do campamento no eido da fisioterapia, podoloxía, oftalmoloxía, odontoloxía e xinecoloxía. Formación do persoal sanitario local e diagnoses, tratamentos e atención primaria, especialmente nos eidos anteriormente descritos. Dotación de material necesario para garantir o correcto funcionamento do Hospital de Smara.