Preguntas frecuentes

• Para que serve darse de alta no rexistro?

• Quen se pode inscribir?

• Cales son as condicións para actuar?

• Que entende a normativa galega por organización non gobernamental para o desenvolvemento?

• Se tanto as ONGD como os outros axentes sociais ou entidades teñen entre os seus fins a realización de actividades de cooperación, como saber en que sección debo darme de alta?

• Como pode avaliar cal é a actividade principal da miña entidade?

• Que datos están inscritos?

• Que documentación se debe presentar?

• Que datos teño que actualizar?

• As axudas e subvencións

 

Para que serve darse de alta no rexistro?

A inscrición no rexistro é voluntaria e ten as seguintes finalidades:

• Integrar as accións, actividades e iniciativas das entidades no Plan Director de Cooperación para o Desenvolvemento e nos plans anuais que o desenvolvan.
• Acceso a axudas e subvencións públicas da Administración xeral da Comunidade Autónoma de Galicia e das entidades instrumentais do sector público autonómico, computables como axuda oficial ao desenvolvemento

Subir ↑

 

Quen se pode inscribir?

As persoas xurídicas que sexan:

• Organizacións non gobernamentais para o desenvolvemento, na Sección A.
• Empresas e organizacións empresariais, na Sección B.
• Sindicatos, na Sección C.
• Outros axentes sociais ou entidades que teñan entre os seus fins a realización de actividades de cooperación para o desenvolvemento, na Sección D.

Subir ↑

Por outro lado, non son inscritibles neste rexistro as seguintes:

• A Administración xeral da Comunidade Autónoma de Galicia e as entidades do sector público autonómico reguladas no artigo 45 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
• As entidades locais recoñecidas pola Lei 5/1997, de 22 de xullo, da Administración Local de Galicia.
• As universidades integrantes do Sistema Universitario de Galicia e persoas xurídicas vinculadas, de acordo cos artigos 3 e 6 da Lei 6/2013, do 13 de xuño, do Sistema universitario de Galicia
• As comunidades galegas no exterior que consten inscritas no Rexistro da Galeguidade dependente do centro directivo con competencias en materia de emigración, recollido na Lei 7/2013, do 13 de xuño, da galeguidade.

Subir ↑

 

Cales son as condicións para actuar?

Ter personalidade xurídica.

• Ter sede social ou delegación permanente en Galicia.
• Carecer de ánimo de lucro. Neste ámbito carécese del cando non hai apropiación dos beneficios obtidos a través de accións de cooperación para o desenvolvemento financiadas por esta Administración en materia de cooperación, ou se os ingresos obtidos reinvístese en actividades de desenvolvemento, axuda humanitaria ou educación para o desenvolvemento, con coñecemento expreso da Administración.
• Ter unha contraparte local ou socio na zona onde se vaia a realizar o proxecto de cooperación.

Subir ↑

 

Que entende a normativa galega por organización non gobernamental para o desenvolvemento?

A lei describe ás ONGD como entidades con especial dedicación a actividades de solidariedade da sociedade galega cos pobos máis desfavorecidos. Esíxenselles os seguintes requisitos:

• Ser entidades de dereito privado, legalmente constituídas e sen ánimo de lucro, que nos seus estatutos establezan expresamente entre os seus fins a realización de actividades relacionadas cos principios e obxectivos da cooperación para o desenvolvemento.
• Gozar de plena capacidade xurídica e de obrar, e dispor dunha infraestrutura que garanta o cumprimento dos seus fins.
• Ter sede social ou delegación permanente na Comunidade Autónoma e estar inscritas no correspondente rexistro desta Comunidade.
• Respectar o código de conduta propio das organizacións non gobernamentais para o desenvolvemento.
• Non ter relacións de dependencia, nin directa nin indirectamente, de institucións públicas, sexan autonómicas, estatais ou internacionais.

Subir ↑

 

Se tanto as ONGD como os outros axentes sociais ou entidades teñen entre os seus fins a realización de actividades de cooperación, como saber en que sección debo darme de alta?

O que distingue ás ONGD dos outros axentes sociais ou entidades é que a súa actividade principal é a cooperación para o desenvolvemento.

Segundo o disposto no artigo 25 da Lei 3/2003, as organizacións non gobernamentais para o desenvolvemento establecidas na Comunidade Autónoma de Galicia, como entidades con especial dedicación a actividades de solidariedade da sociedade galega cos pobos máis desfavorecidos, constitúense en interlocutores permanentes da Xunta de Galicia en materia de cooperación internacional para o desenvolvemento.

Subir ↑

 

Como podo avaliar cal é a actividade principal da miña entidade?

Pode avaliarse por calquera medio admitido en dereito. Entre outros:

• Que nos estatutos da entidade se establezan as actividades de cooperación para o desenvolvemento como fin principal.
• Que nos orzamentos e liquidación de contas, a meirande parte dos recursos da entidade se destinen a actividades de cooperación para o desenvolvemento.
• Que a memoria de actividades recolla accións cooperación para o desenvolvemento en maior medida que o resto das accións.

Subir ↑

 

Que datos están inscritos?

• Os identificativos da entidade: denominación, número de identificación fiscal, domicilio social, domicilio da delegación en Galicia, datos identificativos da/s persoa/s representante/s legal/legais e da/s persoa/s administradora/s, datos identificativos da/s persoa/s representante/s en Galicia, número de socios/as, forma xurídica da entidade e data da inscrición.
• Os que acrediten a personalidade xurídica da entidade de que se trate: escritura ou documento de constitución, estatutos ou acta fundacional e, de ser o caso, o certificado de inscrición no rexistro correspondente.
• Os fins que desexa inscribir, que coincidirán con algún dos obxectivos e fins definidos no artigo 2 da Lei 3/2003, do 19 de xuño, para o caso das ONGD e dos outros axentes sociais aos que se refire a letra g do artigo 23.1 da Lei 3/2003, do 19 de xuño.
• No seu caso, a modificación de calquera dos datos que consten previamente inscritos, a extinción ou disolución da entidade e liquidación e destino dos seus bens.
• Calquera outro dato, cando así o determine a lexislación en vigor.

Subir ↑

 

Que documentación se debe presentar?

• Copia do Documento Nacional de Identidade ou documento identificativo equivalente da persoa representante, só no caso de que non se autorice a súa consulta.
• Copia do nomeamento da persoa representante legal da entidade e do nomeamento da persoa representante da entidade en Galicia.
• Acordo de creación da entidade se é a primeira inscrición en calquera rexistro das Administracións Públicas. As entidades xa inscritas noutro rexistro indicarano, xunto co código e a data de inscrición.
• Estatutos da entidade ou documento que acredite a súa personalidade xurídica.
• Copia do NIF da entidade solicitante, só no caso de denegar expresamente á súa verificación.
• Acreditación de ter o seu domicilio social ou delegación en Galicia.
• Certificación da representación legal en relación á aprobación, se é o caso, das contas anuais así como copia destas.
• Certificado de inscrición no rexistro correspondente, no seu caso.
• Declaración responsable do representante legal da entidade na que se inclúa unha breve descrición da actividade que realiza a entidade, o sector ao que se dirixe a súa actuación, a relación de actividades, proxectos e programas que a entidade realizase en materia de cooperación internacional para o desenvolvemento, así como, no seu caso, as subvencións e axudas destinadas á cooperación internacional para o desenvolvemento recibidas nos tres últimos anos por parte das administracións públicas ou por doantes internacionais.
• Memoria anual correspondente ao último ano de actividade, se a tivese, que inclúa, no caso das entidades empresariais, as accións realizadas pola empresa en materia ambiental, social ou laboral e de cooperación para o desenvolvemento.
• Declaración responsable da persoa que ostenta a representación legal da entidade sobre o cumprimento das normativas ambientais e de dereitos humanos no territorio español e nos países de intervención.
• Documento acreditativo do pagamento da taxa correspondente.

Subir ↑

 

Que datos teño que actualizar?

• Aqueles que impliquen alteración respecto dos documentos e/ou datos inscritos, no prazo de dous meses desde que se produza por acordo do órgano de goberno e representación da entidade.
• Do mesmo xeito as entidades terán que presentar dentro dos catro primeiros meses do ano os acordos de aprobación do orzamento anual e da liquidación do exercicio económico anterior.
• A falta de comunicación por parte da entidade no prazo estipulado poderá producir a suspensión dos efectos da inscrición nos termos previstos na normativa xeral de procedemento administrativo.

Subir ↑

 

As axudas e subvencións

Anualmente a Administración publica as axudas e subvencións ás que poden acudir os axentes de cooperación.

 

Subir ↑