Campaña Mundial pola Educación 2013 en Galicia
A finalidade deste proxecto é dar continuidade ao seu traballo de sensibilización da sociedade galega, en xeral, e da comunidade educativa galega, en particular, verbo da situación da educación no mundo.
A Campaña Mundial pola Educación en Galicia impulsa nos centros educativos e entre os axentes sociais e os actores da cooperación galega, a conciencia da grave situación de incumprimento dos obxectivos de educación para todos e todas de Dakar e dos Obxectivos de Desenvolvemento do Milenio.
A campaña apoia e acompaña á comunidade educativa galega no labor de promover unha cidadanía global e unha cultura da solidariedade que permita a transformación das realidades de inxustiza e exclusión a nivel global e local no eido da realización efectiva do dereito á educación nos países empobrecidos.
A ferramenta fundamental para lograr os obxectivos que persigue a campaña en Galicia é a celebración anual da Semana de Acción Mundial pola Educación, unha acción global de mobilización social e incidencia política que se realiza en Galicia desde o ano 2003 no mes de abril. Desde 2008, a Campaña Mundial pola Educación en Galicia conta co apoio financeiro da Xunta de Galicia. A consolidación da Semana de Acción Mundial pola Educación en Galicia posibilitou a participación dun espazo estable para a participación cidadá e a sensibilización da opinión pública galega e dos responsables políticos da cooperación galega verbo da situación da educación no mundo.
Obxectivo Xeral: Promover a realización do dereito á educación a través do cumprimento dos obxectivos de educación para todas e todos do Marco de Acción de Dakar e dos Obxectivos de Desenvolvemento do Milenio referidos á educación.
Obxectivo Específico: Consolidado o compromiso da comunidade educativa e dos axentes sociais galegos para a mobilización e participación cidadá na esixencia do cumprimento dos Obxectivos de Desenvolvemento do Milenio e dos obxectivos de educación para todos e todas establecidos no Marco de Acción de Dakar.
Resultado 1.1.: Formada e implicada a comunidade educativa galega na conciencia da importancia dos Obxectivos de Desenvolvemento do Milenio e dos obxectivos de educación para todas e todos de Dakar, e a necesidade de esixir o seu cumprimento para 2015.
Actividades:
A.1.1.1.: Traducir, editar, imprimir e difundir o Material Educativo da Campaña Mundial pola Educación 2012-2013 entre as entidades educativas participantes.
A.1.1.2.: Traducir, editar, imprimir e difundir o Material de Difusión da Campaña Mundial pola Educación 2013 entre as entidades educativas en xeral participantes.
A.1.1.3.: Planificar e celebrar xuntanzas coas entidades educativas en xeral participantes.
Resultado 1.2.: Sensibilizada a opinión pública galega e as persoas responsables políticas e técnicas da cooperación galega sobre o dereito á educación, os Obxectivos de Desenvolvemento do Milenio e os obxectivos de educación para todos e todas de Dakar.
Actividades:
A.1.2.1.: Coordinar, asesorar, dinamizar e apoiar tecnicamente aos equipos locais da campaña en Galicia.
A.1.2.2.: Traducir, editar, imprimir e difundir o documento de posicionamento da Campaña Mundial pola Educación 2013.
A.1.2.3.: Planificar, organizar e celebrar os actos públicos da Semana de Acción Mundial pola Educación 2013.
A.1.2.4.: Executar a estratexia de comunicación pública da Campaña Mundial pola Educación 2013.
Directa: 100 docentes e 3.000 alumnos e alumnas de 100 centros educativos galegos, 50 axentes sociais e actores da cooperación galega para o desenvolvemento e 30 profesionais dos medios de comunicación galegos.
30.602,00 (2012: 10.710,70; 2013: 19.891,30)