Articulación comunitaria para contribuír á redución do risco de desastres no Distrito de Belle-Anse, Departamento Sudeste. Haití

As características xeográficas de Haití e o impacto da actividade humana no seu entorno teñen anulado case na súa totalidade a produtividade do país, formado nas súas tres cuartas partes por terreo montañoso, mentres que as chairas están formadas por terras deforestadas, completamente estériles hoxe en día. Neste contexto, ao redor do 80% da poboación se atopa sumida na pobreza, convertindo a este país no máis pobre de toda América Latina. Así mesmo, a porcentaxe de pobreza extrema é do 54%, o que implica que 4.450.000 habitantes viven con menos dun dólar ao día. Por outra banda, cerca do 70% da poboación haitiana depende da agricultura, a cal se basea na agricultura de subsistencia a pequena escala e que emprega a preto das dúas terceiras partes da illa.

Motivada pola súa localización, Haití sufriu un total de 10 catástrofes naturais nos últimos vinte anos, sendo a última delas o terremoto do ano 2010 que causou máis de 200.000 vítimas e tivo graves consecuencias para a práctica totalidade da poboación. A pobreza, a degradación ambiental e a inseguridade alimentaria constitúen en Haití un círculo vicioso que destrúe as posibilidades de desenvolvemento do país. Por iso, o presente proxecto ten como obxectivo contribuír á redución da vulnerabilidade fronte a desastres e ao reforzo organizativo no Distrito de Belle Anse. Para conseguilo, fomentarase a cultura da prevención e redución de riscos entre a poboación.