Adestro Conciencia: deporte, comercio xusto e consumo responsable comparten valores en Galicia. Fase III
Afondando nos conceptos de Comercio Xusto e Educación para o Desenvolvemento xorde o Proxecto Adestro Conciencia, onde o deporte é usado como ferramenta para a sensibilización e educación para o desenvolvemento nos ámbitos educativos e deportivos. Un proxecto global de sensibilización e educación para o desenvolvemento: educativo, de investigación e mobilización social, cuxa fase I comezou en setembro do 2017 co apoio da Xunta de Galicia. Ata o momento o proxecto fixo as súas actividades en 4 cidades galegas, 13 centros educativos, 13 clubs deportivos e máis de 1.000 participantes e 13 actividades deportivas coas que axudan a achegar o consumo responsable e Comercio Xusto aos máis novos, desde un enfoque de igualdade de xénero.
Nesta identificación da Fase III inclúense algúns dos aprendizaxes dos primeiros dous anos do proxecto e tamén da avaliación feita ata o momento da fase I.
Obxectivo xeral: Contribuír ao desenvolvemento dunha economía social e solidaria, rexida polos valores da cooperación, democracia, cidadanía global, igualdade, solidariedade e medio ambiente, onde as relacións comerciais apóianse nos principios e valores do Comercio Xusto e dunha economía global e solidaria, en liña cos Obxectivos de Desenvolvemento Sustentables (ODS).
Obxectivo específico: Sensibilizar á comunidade educativa de 11 centros educativos e usuarios/as de 11 clubs deportivos galegos, e 2 entidades sociais sobre o impacto que os nosos hábitos de consumo provocan nas persoas que producen o que compramos e consumimos, e ofrecer alternativas de Comercio Xusto (CJ) e consumo responsable desde un enfoque inclusivo e igualitario, ligado a un acto san e cotiá como o deporte.
RE 1.1: A comunidade educativa de 11 Centros Educativos (Ces) en 6 municipios galegos (Lugo, Vigo, Ourense, Monfero, Touro e Pastoriza), toman conciencia sobre os valores do Comercio Xusto e o consumo responsable, desde un enfoque inclusivo e igualitario e de Dereitos Humanos, baixo o marco dos ODS, a través da participación en actividades lúdicas e deportivas.
A 1.1.1 Reunións cos equipos directivos dos 11 Centros Educativos para a presentación e coordinación das actividades del proxecto.
A 1.1.2: Elaboración da Programación anual de actividades do proxecto para cada Centro Educativo.
A 1.1.3 Realización das actividades lúdico deportivas plantexadas para os Centros Educativos (Tanto as da Fase I como as da Fase II).
A 1.1.4 Divulgación e comunicación das actividades do proxecto nos Ces.
A 1.1.5 Avaliación e peche das actividades do proxecto cos responsables do centro.
RE 1.2: Participantes do eido deportivo galego de 11 clubs e 3 federacións toman conciencia sobre os valores do Comercio Xusto e o consumo responsable, desde un enfoque inclusivo e igualitario e de Dereitos Humanos, baixo o marco dos ODS, a través da participación en actividades lúdicas e deportivas.
A 1.2.1 Reunións de coordinación e preparación cos 11 clubs deportivos.
A 1.2.2 Desenvolvemento das actividades deportivas con rapaces a rapazas de 12 a 15 años dos 10 clubs deportivos.
A 1.2.3:Contacto e difusión do proxecto Adestro conciencia a 25 federacións galegas deportivas.
A 1.2.4: Presentación directa do proxecto Adestro Conciencia a 6 federacións deportivas e organización de presenza en eventos das federacións.
A 1.2.5. Presenza de Stand do Proxecto en 3 eventos deportivos de 3 federación galegas.
A 1.2.6. Sistematizados da experiencia en clubs deportivos e edición da guía para clubs deportivos.
A 1.2.7 Presentación da Guía para Clubs Deportivos e difusión da mesma a medios de comunicación/ámbito deportivo.
A 1.2.8 Divulgación e comunicación das actividades do proxecto en Clubs deportivos e federacións galegas deportivas.
RE 1.3: Os usuarios de actividades tempo libre de 2 centros sociais galegos de 2 municipio e de campamentos de verán da Xunta de Galicia, participan das actividades do proxecto Adestro Conciencia.
A 1.3.1 Presentacións das actividades do proxecto aos responsables dos centros xuvenís das entidades sociais.
A 1.3.2 Realización obradoiros das actividades lúdico-deportivas cos centros xuvenís das entidades sociais.
A 1.3.3 Programación coa Dirección Xeral de Xuventude e Voluntariado das actividades do proxecto Adestro Conciencia.
A 1.3.4 Realización das actividades en Campamentos de Verán da Xunta de Galicia con rapaces e rapazas de 12-15 anos.
A 1.3.5 Actividades do proxecto Adestro Conciencia en iniciativas en rede con outras organizacións e plataformas de entidades.
A 1.3.6 Divulgación e comunicación das actividades do proxecto en entidades sociais /campamentos e redes.
Actividades comúns:
AC 1: Deseño de ferramentas de recollida de información: entrevistas, enquisas e/ou encontros participativos.
AC 2: Análise da información e elaboración de informe final de avaliación final.
Directa: A poboación directa configúrana un total de 1.121 persoas (629 homes e 492 mulleres), das cales a maioría (991) son menores cun rango de idades comprendido entre 12 e 15 anos, que entraron xa na adolescencia.
Indirecta: A poboación indirecta configúrana un total de 2.850 persoas (1.400 homes e 1.350 mulleres), entre menores e persoas adultas.
Axuda Xunta de Galicia: 31.869,65 € (2019:12.747,86 €; 2020:19.121,79 €)