Mellora das condicións de vida para a ampliación das capacidades e as liberdades das persoas mediante un proceso de participación cidadá e comunitaria con enfoque de xénero en Santa Lucía, provincia de Santiago- asociada a IDI Rep. Dominicana
A estratexia da intervención ten como eixo transversal a xeración de capacidades na poboación do Barrio Santa Lucía (República Dominicana) a través do empoderamento e a participación social das organizacións e persoas. Enmarcado nun enfoque de desenvolvemento humano proposto polo PNUD, as actividades deste proxecto diríxense a aumentar os mecanismos de participación comunitaria do Barrio Santa Lucía para incidir na mellora das condicións de vida da poboación para a xeración de desenvolvemento humano sustentable e a fin de mellorar as condicións de habitabilidade no Barrio Santa Lucía mediante unha estratexia de incidencia comunitaria e mellorando as capacidades das persoas de Santa Lucía, con especial incidencia nas mulleres, para a xeración de dinamización económica do Barrio.
Baixo todas as actividades realizaranse accións de incidencia co fin de destacar o papel da muller no desenvolvemento social e económico á vez que xerar conciencia social sobre a valorización dos coidados. Mediante as actividades propostas para o logro dos resultados inclúense accións relativas á satisfacción das necesidades, dada a situación de vulnerabilidade das persoas do Barrio Santa Lucía, pero sempre baixo o enfoque do empoderamento. Neste sentido, esta intervención entende que satisfacer as necesidades básicas é fundamental para o desenvolvemento das demais capacidades, as que fan referencia a algo máis amplo, que apropia ás persoas da súa liberdade de acción e xera para si e para a súa colectividade un maior benestar. Neste sentido, o enfoque que se presenta na lóxica desta intervención entende ás persoas de Santa Lucía como suxeitos activos do seu propio proceso de transformación; é dicir, como persoas dinámicas que achegarán as súas capacidades cara ao desenvolvemento e a equidade social, cara á mellora das condicións de vida da poboación de Santa Lucía.
No ámbito local, o proxecto articúlase nas liñas estratéxicas do Plan Estratéxico de Santiago de los Caballeros 2020 tanto a través da liña estratéxica “Santiago Cultural, Incluyente y Saludable” como na súa liña estratéxica “Participativa”. En canto á súa coherencia coa estratexia de desenvolvemento do Barrio Santa Lucía, o proxecto compleméntase co aliñamento estratéxico marcado pola Axenda de Desenvolvemento do Barrio Santa Lucía 2018-2023 á vez que traballa de forma coordinada coas organizacións comunitarias que traballan por impulsar o desenvolvemento do Barrio.
Por último, a execución da intervención, así como a estratexia a longo prazo onde se enmarca, contribuirá ao logro dos obxectivos da Axenda 2030.
Fundación Solidaridad y Centro Integral para el Desarrollo Local (CIDEL)
Obxectivo xeral: Contribuír ao desenvolvemento integral en Santa Lucía coa participación de titulares de dereitos, obrigacións e responsabilidades no marco da Estratexia Nacional de Desenvolvemento 2030 para o cumprimento dos Obxectivos de Desenvolvemento Sustentable.
Obxectivo específico: Mellora das condicións de vida de 1,578 persoas (744 mulleres e 834 homes) mediante un proceso de participación cidadá e comunitaria con enfoque de xénero en Santa Lucía, provincia de Santiago, República Dominicana.
RE1: Melloradas as condicións de habitabilidade no Barrio Santa Lucía mediante unha estratexia de incidencia comunitaria.
A.1.1: Obras de rehabilitación para a mellora das vías de acceso a través da construción de “peonís” cunha superficie total das vías melloradas de acceso do 1,443.52 m2.
A.1.2: Obras de rehabilitación para a mellora da capacidade do centro comunitario Mauro Lorenzo para responder a demandas da poboación de Santa Lucía (ampliación capacidade ludoteca, mellora de zona de almacenaxe para mellorar as condicións de seguridade e mellora ambiental da contorna).
A.1.3: Estratexia de incidencia cidadá para a mellora e mantemento das infraestruturas públicas (08 talleres para 30 participantes para formulación dun plan de incidencia).
A.1.4: 08 conversatorios para a sensibilización ambiental: 04 conversatorios para escolares e 04 conversatorios para cidadanía en xeral de Santa Lucía.
A.1.5: Xornadas de reforestación da ladeira do Barrio Santa Lucía na cañada fronteira co Vertedero de Rafey.
RE2: Fortalecido o tecido asociativo de Santa Lucia con especial incidencia nas persoas mozas, envellecintes e as mulleres mediante unha estratexia de uso social do tempo libre.
A.2.1: Estratexia para a organización dos e as mozas na participación social mediante o deporte (03 actividades deportivas ao longo de 12 meses do proxecto para 45 participantes).
A.2.2: Programa de atención á poboación envellecinte para a súa inclusión na participación social no Barrio Santa Lucía mediante unha estratexia de uso do tempo libre.
A.2.3: Acompañamento para o fortalecemento institucional das organizacións comunitarias.
A.2.4: Estratexia de posicionamento do Barrio Santa Lucía na nova organización territorial municipal de Santiago Oeste (Cienfuegos).
A.2.5: Consolidación da Mesa de Seguridade e Xénero en Santa Lucía (04 sesións da Mesa).
A.2.6: Fortalecemento da Escola de Arte e Tempo Libre para a identidade cultural do Barrio Santa Lucía.
RE3: Melloradas as capacidades das persoas de Santa Lucía, con especial incidencia nas mulleres, para a xeración de dinamización económica do Barrio.
A.3.1: 03 xornadas de intercambio con experiencias de economía solidaria lideradas por mulleres.
A.3.2: Estudo de viabilidade social, técnica e económica para a posta en marcha de experiencias solidarias no Barrio Santa Lucía.
A.3.3: Programa de formación e capacitación para o desenvolvemento de iniciativas solidarias (04 talleres, 04 charlas e 01 curso).
A.3.4: Estratexia de sensibilización da muller na xeración de desenvolvemento e valorización de papel dos coidados.
A.3.5: Programa de orientación laboral, con especial incidencia nas mulleres.
A.3.6: Talleres sobre emprendemento e desenvolvemento produtivo no marco da economía social.
A.3.7: Fortalecemento da ludoteca do Barrio Santa Lucía para a mellora da inserción laboral das mulleres.
Directa: Considérase poboación beneficiaria directa ás 459 familias que viven no Barrio Santa Lucía. Segundo datos do Informe Socioeconómico e de Habitabilidade, albergan 1.578 habitantes: Homes (604), Mulleres (539), Nenos (230), Nenas (205)
Indirecta: Homes (118.220), Mulleres (114.800). A poboación indirecta do proxecto serán as 233.000 persoas (118.200 homes e 114.800 mulleres) que residen na zona de Cienfuegos, segundo datos estimados no Comité Santiago Oeste Municipio.
Axuda Xunta de Galicia: 174.926,90 € (2019: 69.970,76 €; 2020: 104.956,14 €)