Mellora do benestar psicosocial da poboación infantil e xuvenil desprazada nos refuxios de UNRWA tras a escalada de violencia iniciada en outubro 2023 na Franxa de Gaza

O proxecto pretende dar apoio psicosocial ás nenas e nenos e mozos en idade escolar, que en moitos casos perderon os seus fogares, as súas familias e os seus medios de subsistencia debido á guerra en Gaza. A intervención busca dar apoio psicosocial como resposta inmediata ao trauma en espazos seguros, mentres se asegura unha preparación adecuada para a transición á educación unha vez que a situación o permita. O proxecto conta co apoio de apoio de 11 terapeutas durante 3 meses, tendo cada terapeuta ao seu cargo aproximadamente a 150 menores.

UNRWA utilizará o seu enfoque inclusivo de apoio psicosocial para o benestar dos estudantes e a súa orientación a través de asesoramento individual, sesións de grupo e actividades recreativas. Organizaranse actividades estruturadas para menores (recreativas, asesoramento, arteterapia) para proporcionar apoio psicosocial aos estudantes e ao persoal educativo.