Novas de Cooperación Galega

No DOG do 18 de xaneiro de 2012 publicouse a Orde do 30 de decembro de 2011, da Consellería de Presidencia, Administracións Públicas e Xustiza, pola que se aproban as bases reguladoras da concesión de subvencións, en réxime de concorrencia competitiva, para a execución de proxectos e de microproxectos de cooperación para o desenvolvemento no exterior promovidos polos axentes de cooperación.

No DOG do 10 de xaneiro de 2012 publicouse a Orde do 30 de decembro de 2011, da Consellería de Presidencia, Administracións Públicas e Xustiza, pola que se aproban as bases reguladoras da concesión de subvencións, en réxime de concorrencia competitiva, para actividades de educación para o desenvolvemento e para a consolidación e fortalecemento de organizacións non gobernamentais de desenvolvemento.

 A Consellería de Presidencia aproba as ordes que establecen as bases reguladoras da concesión de subvencións para proxectos e microproxectos de cooperación no exterior, así como para actividades de educación para o desenvolvemento e de fortalecemento de ONGD. Convócanse tamén doce bolsas de formación de expertas/os en Cooperación Internacional para o Desenvolvemento.

 As convocatorias, ás que a Xunta destina máis de 5 millóns de euros, publicaranse no DOG a principios do mes de xaneiro

• O director xeral de Relacións Exteriores reivindicou a dotación dunha liña financeira específica a disposición dos entes locais e rexionais
• Jesús Gamallo solicitou o establecemento de puntos de contacto para os entes rexionais e locais no Servizo Europeo de Acción Exterior e na Dirección Xeral de Cooperación ao Desenvolvemento
• O ditame insiste na necesidade de que a política de Cooperación ao Desenvolvemento da UE non de cobertura a situacións como a que se vive nalgúns países do Índico que poden servir de plataformas para a entrada de latas de atún no mercado comunitario sen aranceis e sen cumprir os estándares esixidos na UE