Novas de Cooperación Galega

O director xeral de Relacións Exteriores e coa Unión Europea presidiu esta mañá a reunión constitutiva da Comisión Permanente do Consello Galego de Cooperación para o Desenvolvemento

 A creación desta Comisión foi aprobada polo Consello galego da Cooperación Para o Desenvolvemento (CONGACODE) na reunión plenaria do 21 de decembro do 2010, atendendo a unha demanda dos axentes de cooperación.
 A Comisión Permanente constitúese como o órgano de apoio ao Pleno do Consello e está formada polo presidente do Consello, a secretaria do Consello, dous representantes das ONGD, un representante do Fondo Galego de Cooperación e Solidariedade e un/unha experto/a independente.
 

A dotación orzamentaria ascende a 175.000 euros, a mesma contía que no ano 2010

 A cooperación galega durante o ano 2011 estará orientada a mellorar a eficacia da axuda apostando por actuacións a longo prazo
 As convocatorias públicas de axudas e subvencións para proxectos de cooperación no exterior continuará sendo neste ano o principal medio de canalización de fondos procedentes da cooperación
 O obxecto destas axudas é a execución de proxectos para consolidación e fortalecemento de organizacións non gobernamentais de cooperación para o desenvolvemento

No DOG do 30 de decembro de 2010 publicouse a Orde do 21 de decembro, da Consellería de Presidencia, Administracións Públicas e Xustiza, pola que se aproban as bases reguladoras da concesión de subvencións, en réxime de concorrencia competitiva, para a execución de proxectos de cooperación ao desenvolvemento no exterior promovidos polos axentes de cooperación, para actividades de educación para o desenvolvemento e para a consolidación e fortalecemento de organizacións non gobernamentais de desenvolvemento.