ATENCIÓN Á NENEZ DO AGUSTINO NAS SÚAS NECESIDADES EDUCATIVAS E FORMATIVAS COMO PREVENCIÓN FRONTE Á DESATENCIÓN FAMILIAR E Á VIOLENCIA

O proxecto pretende contribuír ao desenvolvemento integral de nenas e nenos que viven nas zonas dos outeiros do distrito de El Agustino (Lima), mellorando a súa calidade de vida, a través do modelo de intervención das Casas del Niño, cunha estratexia de intervención comunitaria brindando deste xeito espazos diferentes para que as nenas e nenos poidan ter un lugar axeitado e en condicións para o desenvolvemento das actividades de apoio escolar e bo uso do seu tempo libre, o que os fai afastarse dos perigos que se presentan nas rúas, como a delincuencia, drogas, violencia, entre outros.
Desde o proxecto implementaranse dúas liñas de actuación que se concretan en dúas liñas de traballo:
 Atención educativa: para fortalecer e desenvolver as habilidades e coñecementos das nenas e nenos que permitan lograr o máximo potencial no seu desenvolvemento e integración social.
 Desenvolvemento de capacidades e habilidades sociais para a súa integración: consiste nun programa de desenvolvemento de habilidades sociais e artísticas, que permite lograr o máximo potencial no seu desenvolvemento e integración social por medio de talleres de creatividade artística (debuxo e pintura, cerámica, creación literaria, outros).
O proxecto pretende fomentar iniciativas que favorezan o desenvolvemento integral, o exercicio de dereitos e a inclusión social desta poboación, influíndo a través dos propios nenos e nenas, no seu medio familiar e comunitario coa participación activa dos axentes do Estado que traballan na zona.
Período de execución: maio 2010 - decembro 2010