“Tajimat Pujut”: Contribuir a mellorar o exercicio do dereito á alimentación en comunidades indíxenas Awajún (Amazonas, Perú) mediante a promoción da soberanía alimentaria nas familias, a consolidación das súas capacidades para diversificar as súas parcelas produtivas e a comercialización dos seus produtos en mercados locais

A presente proposta busca garantir as condicións de soberanía alimentaria, a mellora da nutrición e a eliminación da fame nas familias Awajún de 8 comunidades da conca do río Nieva (Amazonas, Perú), mediante a promoción da agricultura sustentable. Para iso, como estratexia, expón consolidar as capacidades de 96 familias indíxenas para diversificar as súas unidades produtivas e a comercialización dos seus produtos en mercados locais.

O proxecto ten tres compoñentes que se desenvolven no marco da soberanía alimentaria e do Bo Vivir (Tajimat Pujut) indíxena: formativo, produtivo e de comercialización. Estes desenvólvense en tres fases complementarias e integradas.

A primeira fase é preparatoria do proxecto: corresponde á relación e presentación pública das actividades, tanto á poboación beneficiaria como á sociedade civil de Condorcanqui. Establécense os convenios e compromisos interinstitucionales. Precísanse os puntos de seguimento a través dunha liña de base inicial, con cuxa información se formula un plan de reforzamento da formación para os promotores e familias beneficiarias, salientando naqueles puntos máis débiles da súa formación técnica.

A segunda fase é de instalación de actividades produtivas con 96 familias Awajún. Realízanse as xornadas de asesoría técnica mediante as cales as familias rehabilitan, melloran e instalan as actividades promovidas polo proxecto: rotación de cultivos, piscigranjas, plátano, cacao, reforestación e viveiros forestais diversificados. Xunto con estas actividades, realízanse os procesos formativos para consolidar as capacidades dos promotores/as e para a articulación das directivas dos comités produtivos ao mercado local.

Na terceira fase desenvólvense os procesos de acompañamento permanente, e de axustes e reforzos para a consolidación das actividades produtivas, involucrando iniciativas de formación desde Radio Kampagkis de modo complementario. Nesta fase desenvólvense tamén as actividades de comercialización nas agro-cadeas locais, con polo menos o 40% dos produtores organizados en Comités, promovendo a ligazón dos produtores/as familiares coa Feira Rural Nativa de Tayuntsa .

O proxecto é parte da proposta institucional de SAIPE, inseríndose no seu Obxectivo Estratéxico 1: As familias do Alto Marañón viven máis integradas cos seres do bosque, manteñen a súa pluri-actividade e pluri-capacidade no manexo integral do bosque, chegan á soberanía alimentaria e xeran excedentes a partir do manexo deste, o cal lles permite mellorar a vida familiar e a solidariedade comunal. Neste marco, a proposta complementa outros proxectos que tratan de impulsar concertadamente programas de asistencia técnica e capacitación en temas agroforestais, sanidade animal, organización e xestión da produción e comercialización, coas familias e organizacións de produtores/as.