Mellorar a dieta dos refuxiados saharauís a través da compra e distribución de ovos e prestación de axuda sanitaria e dotación de material sanitario nos campamentos de refuxiados saharauis
O Sáhara Occidental é un territorio en litixio, declarado non autónomo polo Comité de Descolonización das Nacións Unidas. Dende que a súa potencia colonizadora, España, abandonou a zona en 1975 a rexión atópase, na súa gran maioría, baixo o dominio de Marrocos. En 1976 constitúese a República Árabe Saharauí Democrática (RASD), gobernada polo grupo independentista Frente Polisario, apoiado por Alxeria. Os campamentos levantáronse nunha zona da rexión de Tindouf que o goberno de Alxeria cedeu temporalmente ó Frente Polisario para o asentamento da poboación en 1975.
O sistema económico de refuxiados é practicamente inexistente, dada a situación de conflito que se vive na zona. A ausencia dunha base económica estable dificulta a satisfacción plena das necesidades elementais da poboación. As autoridades saharauís coa finalidade de mellorar e enriquecer a dieta alimenticia dos refuxiados propoñen o proxecto de compra e distribución de ovos para aportar proteína fresca á poboación, xa que é ben coñecido que a maior parte da alimentación distribuída compóñena produtos en conserva (1).
Polo seu lado, o proxecto de axuda sanitaria pretende a mellora das condicións de vida e de control sanitario da poboación refuxiada saharauí da Wilaya de Bojador, a través da prestación sanitaria á citada poboación, con especial atención a infancia, mulleres embarazadas e persoas maiores (2).
Ministerio De Xuventude Saharauí En Colaboración Coa Media Luna Roja Saharauí
Xeral: (1) Contribuír na mellora da dieta alimenticia e nas condicións de vida da poboación refuxiada saharauí; (2) Contribuír á mellora das condicións de vida e de control sanitario da poboación refuxiada saharauí da wilaya de Bojador, con especial atención aos nenos/as de 0 a 7 anos, mulleres embarazadas e persoas maiores.
Específico: (1) Enriquecer e diversificar a alimentación dos refuxiados saharauís a través da proteína fresca (ovos); (2) Mellorar as condición de saúde da poboación da Wilaya de Bojador con especial énfases nos nenos/as e mulleres embarazadas.
(1) Proxecto Mellorar a dieta dos refuxiados saharauís a través da compra e distribución de ovos:
RE 1.1. Mellorar a dieta alimenticia da poboación saharauí.
A.1.1.1. Compra de ovos por parte do Ministerio de Cooperación Saharauí e a Media Luna Roja Saharauí.
A.1.1.2. Distribución de ovos por parte do Ministerio de Cooperación Saharauí e a Media Luna Roja Saharauí.
(2) Proxecto Prestación de axuda sanitaria e dotación de material sanitario nos campamentos de refuxiados saharauis:
A.1.1. Prestación de atención sanitaria á poboación, con especial atención ás mulleres e aos nenos e nenas.
A.1.2. Equipamento da casa sanitaria de Galicia.
A.1.3. Identificación dos problemas.
Directa: (1) 173.600 refuxiados; e (2) a poboación situada na wilaya de Bojador (Según enquisa de poboación do 2004 ascende a 5.832 persoas)- todas aquelas persoas que sexan atendidas no hospital e nos dispensarios.
Indirecta: (1) non se indica; e (2) todas as dairas que se atopan ao redor e que pola súa proximidade poderán aproveitar o proxecto.
Axuda Xunta de Galicia: 110.000 € (100.000 € inicial, 10.000 € addenda)