Protección e asistencia de poboación refuxiada venezolana en Colombia no contexto da Covid-19 durante o ano 2022
O presente proxecto implementarase no departamento de Norte Santander, en Colombia, unha zona con alta acollida de refuxiados e migrantes provenientes de Venezuela, e na que ACNUR xa realizou entregas previas de forma prioritaria a familias venezolanas de asistencia en efectivo e a realización de estudos de vulnerabilidade. O obxectivo xeral será contribuír ao proceso de protección internacional dos/as refuxiados/as venezolanos en Colombia asegurando o acceso a servizos de emerxencia. Para iso, o obxectivo específico exposto será o de fortalecer a capacidade de 62 familias refuxiadas venezolanas de 4 membros, un total de 248 persoas, no departamento de Norte Santander para afrontar as súas necesidades básicas. Para alcanzar ambos os obxectivos, perseguiranse 3 resultados principais: manter e actualizar un rexistro da poboación venezolana que permita destinar os recursos a quen máis o necesitan; realizar as transferencias mensuais de ao redor de 75 euros a 62 familias venezolanas de 4 membros; e axudar ás familias beneficiarias a afrontar as súas necesidades básicas en materia de protección, vivenda, saúde e alimentación
Alto Comisionado das Nación Unidas para os Refuxiados (UNHCR / ACNUR) – Colombia
Xeral: Contribuír ao proceso de protección internacional dos/as refuxiados/as venezolanos en Colombia asegurando o acceso a servizos de emerxencia
Específico: Fortalecer a capacidade de 62 familias refuxiadas venezolanas de 4 membros, un total de 248 persoas, no departamento de Norte Santander para afrontar as súas necesidades básicas
RE 1.1. Mantido e actualizado un rexistro da poboación venezolana que permita destinar os recursos a quen máis o necesitan
A.1.1.1 Determinación das familias beneficiarias
RE 1.2 Realizadas as transferencias mensuais de arredor de 75 euros a 62 familias venezolanas de 4 membros- 248 persoas no Departamento de Norte Santander
A.1.2.1 Transferencia de ao redor de 75 euros a 62 familias de 4 membros extremadamente vulnerables durante 6 meses
RE 1.3 As familias beneficiarias afrontan as súas necesidades básicas en materia de protección, vivenda, saúde e alimentación
A.1.3.1 Seguimento postdistribución
Directa: 248 persoas en 62 familias venezolanas refuxiadas de catro membros
Indirecta: 247.000 persoas venezolanas refuxiadas e migrantes previstas no Norte de Santander polo Plan Rexional de Resposta á Poboación Venezolana – RMRP
Axuda Xunta de Galicia: 30.000 €