Novas de Cooperación Galega

• O director xeral de Relacións Exteriores recibiu aos mozos e mozas adxudicatarios das bolsas de formación en cooperación internacional para o desenvolvemento
• Os bolseiros terán como destinos República Dominicana, Guatemala, O Perú e Mozambique e dous deles tamén estarán na Dirección Xeral en Santiago

A Dirección Xeral de Relacións Exteriores e coa UE fai pública a resolución da convocatoria de subvencións, en réxime de concorrencia competitiva, para a realización de proxectos de investigación e para a creación de grupos de investigación en materia de cooperación para o desenvolvemento no marco da Axenda 2030, a executar polos grupos e centros de investigación das universidades galegas, regulada pola Orde do 6 de maio de 2019, da Vicepresidencia e Consellería de Presidencia, Administracións Públicas e Xustiza.

Unha vez realizadas as entrevistas persoais os días 30 e 31 de xullo de 2019, a comisión de valoración, logo da xuntanza do día 31 de xullo, fai pública a puntuación das entrevistas, a proposta de adxudicación e os destinos e a listaxe de reserva.

A Dirección Xeral de Relacións Exteriores e coa UE fai pública a resolución da convocatoria de subvencións, en réxime de concorrencia competitiva, para a execución de proxectos de educación para o desenvolvemento e a cidadanía global a executar polas ONGD, regulada pola Orde do 2 de abril de 2019 da Vicepresidencia e Consellería de Presidencia, Administracións Públicas e Xustiza (DOG núm. 77, do 23.04.2019)