Novas de Cooperación Galega

• A Dirección Xeral de Relacións Exteriores e coa UE vén de publicar a resolución coas axudas a seis organizacións non gobernamentais
• Financiaranse proxectos en Honduras, República Dominicana, Palestina, Uganda, Mozambique e Ucraína

Santiago de Compostela, 19 de xullo de 2024.- A Xunta destinará 550.000 euros a financiar oito proxectos de acción humanitaria no exterior, segundo a resolución que se vén de publicar no portal da Cooperación Galega.

No DOG núm. 91, do 10 de maio de 2024, foi publicada a Orde do 26 de abril de 2024 da Consellería de Presidencia, Xustiza e Deportes, pola que se aproban as bases reguladoras da concesión de subvencións, en réxime de concorrencia competitiva, para a execución de proxectos de acción humanitaria no exterior, e procédese á súa convocatoria para o ano 2024 (código de procedemento PR811A).

En cumprimento do disposto nas bases décimo primeira e décimo segunda da Orde do 29 de abril de 2024 pola que se establecen as bases reguladoras para a concesión de bolsas para a formación de persoas expertas en cooperación internacional para o desenvolvemento e se procede á súa convocatoria para o ano 2024 (código de procedemento PR809A), DOG núm. 91, do 10 de maio, a comisión de valoración, logo da renuncia de dúas candidatas propostas, fai pública unha nova listaxe de persoas propostas e destinos, así como a listaxe de reserva.

En cumprimento do disposto na base décima da Orde do 29 de abril de 2024 pola que se establecen as bases reguladoras para a concesión de bolsas para a formación de persoas expertas en cooperación internacional para o desenvolvemento e se procede á súa convocatoria para o ano 2024 (código de procedemento PR809A), DOG núm. 91, do 10 de maio), dáse publicidade á listaxe de puntuacións definitivas das persoas aspirantes na fase de avaliación dos méritos.