Novas de Cooperación Galega

O Consello da Xunta aprobou onte, 11 de febreiro, o Plan anual 2021 da cooperación galega, que contará cun orzamento de 7,4 millóns de euros, o que supón un incremento do 12 % con respecto ao aprobado o ano pasado. O Plan contou co visto e prace do Consello Galego de Cooperación para o Desenvolvemento (Congacode), que emitiu un informe favorable por unanimidade na súa reunión do pasado 27 de xaneiro.

• O director xeral de Relacións Exteriores e coa UE, Jesús Gamallo, participou na reunión do Consello Galego de Cooperación para o Desenvolvemento (Congacode), na que se aprobou por unanimidade o Plan anual 2021 da Cooperación Galega
• No encontro tamén se fixo balance do plan de 2020 que foi executado ao 100% e se presentou a Estratexia de resposta á Covid-19 da Cooperación Galega

A Dirección Xeral de Relacións Exteriores e coa UE da Xunta de Galicia iniciou a mediados de novembro o proceso participativo de elaboración dunha estratexia de resposta á COVID-19 da Cooperación Galega. O obxectivo deste proceso é dotar á Cooperación Galega dun consenso que permita adaptar, en diálogo cos axentes de cooperación, o marco estratéxico e operativo da Cooperación Galega á situación de pandemia e poder paliar os seus efectos sobre as persoas e comunidades coas que se asocia a Cooperación Galega e sobre os axentes de cooperación e os seus socios.

As actuacións centraranse en brindar apoio aos centros de saúde para a prevención e tratamento da pandemia de Covid-19