Outras novas

Teñen nomes e apelidos e historias de desarraigo e superación que non se coñecen porque non saen nos medios de comunicación. En total, en todo o planeta hai case dez millóns de persoas refuxiadas e preto de 25 millóns de persoas viven en condición de desprazadas a causa de conflitos armados, inseguridade nos seus países ou por presións por pertencer a minorías. Organizar un teatro para nenas e nenos palestinianos, visitar escolas do Brasil para explicar contos africanos, axudar a buscar un fogar para as novas desprazadas e desprazados en Sri Landa... iniciativas a favor da poboación refuxiada.

A degradación do ecosistema a consecuencia do proceso de desertificación e escaseza de auga está presente nun 35% da superficie dos continenetes. Estes son os datos que ofrece Nacións Unidas, que advirte que a desertificacion afecta directamente a máis de 200 millóns de persoas. O Estado Español é o país máis árido da Unión Europea e un tercio da súa superficie considérase desértica, segundo as Nacións Unidas.

Si todo segue igual como ata o de agora, os Obxectivos do Milenio cumpriranse en todo o mundo, pero cen anos depois do previsto. Social Watch di que a falta de vontade estanca o desenvolvemento e que algúns países incluso retroceden. Para facer esta afirmación Social Watch baséase no seu Índice de Capacidades Básicas, un informe que analizou a realidade de 161 países en cuestións como o acceso á educación e a saúde a nível nacional e local, a supervivencia das persoas menores de idade e a porcentaxe de partos atendidos por persoal especializado.

O pobo indíxena achuar corre o perigo  de desaparecer no Perú polas actividades da exploración e extracción de petróleo da compañia estadounidense Occidentral Petroleum, máis coñecida como Oxy. Depois de 30 anos de operacións no territorio indíxena achuar na amazonía peruana, esta empresa petroleira multinacional realizou prácticas destrutivas que contaminaron severamente ecosistemas únicos e sensíbeis, e que tiveron como resultado impactos profundos sobre os dereitos e a saúde das comunidades que residen na área.