Outras novas

Segundo persoal experto, non todo o comercio xusto é mediombientalmente sostible e tampouco todo o mercado ecolóxico é xusto. A semana pasada coñecíase o caso da liberación de case preto de mil obreiras e obreiros brasileños que baixo un réximen de escravitude e unhas condicións pésimas traballan no sector do biocombustible. O combustible vendíase en Suecia, onde moitas consumidoras e consumidores pensaban que estaban constribuindo a un desenvolvemento máis sostible das enerxías do planeta.

O Día Mundial da Poboación ofrécenos a oportunidade de centrarnos nos compromisos asumidos e as accións realizadas para velar por que cada embarazo sexa desexado, cada parto sexa seguro, cada moza ou mozo esté libre da VIH/SIDA e cada nena e cada muller sexa tradada con dignidade e respecto. Actualmente máis de medio millón de mulleres morren cada ano durante o embarazo e no parto, o 99% delas en países en desenvolvemento. Moitas máis sofren graves complicacións que poden repercutir gravamente na súa propia calidade de vida. O tema do Día Mundial da Poboación deste ano é: "Os homes como aliados para a saúde materna" 

En 2008 máis da mitade da poboación mundial vivirá en cidades, pero uns 1.000 millóns serán pobres, segundo a ONU. As mulleres e a mocidade son as persoas que o teñen máis difícil. As persoas empobrecidas viven nas cidades soportando unhas condicións insalubres, o que afecta dobremente ás mulleres e ás nenas, que cando carecen dos recursos necesarios están máis expostas aos efectos da pobreza. As nenas son as primeiras en faltar á escola ou abandonala, e o emprego das mulleres está, na súa maior parte, na economía sumerxida.

De 4 a 40 anos de vida danlle ás reservas mundiais de petróleo. Ninguén parece saber ata cando respostarán á demanda os pozos petroleiros. Mentres, as enerxías renovables perfílanse como a gran alternativa ante esta crise. A economía mundial consume 82 millóns de barriles diarios pero a Axencia Internacional da Enerxía, aínda que recoñece que a produción dos pozos petroleiros está comezando a caer, prevé que a demanda seguirá medrando e chegará aos 113 millóns de barriles diarios no ano 2020.