Alternativas na escola: Comercio xusto e soberanía alimentaria

O consorcio que vincula a estas organizacións xurdiu no ano 2012 como consecuencia da experiencia e coincidencia en obxectivos entre elas, para desenvolver o proxecto “Sensibilizando á xuventude rural galega”, cuxo obxectivo foi o de sensibilizar á sociedade galega, especialmente no ámbito rural, en dous eidos fundamentais: A Cooperación ao Desenvolvemento e o Comercio Xusto e Responsable (e, por ende, a Soberanía Alimentaria). Dados os resultados obtidos co devandito proxecto crese necesario continuar por este camiño, realizando obradoiros de sensibilización na temática do comercio xusto, o desenvolvemento sustentable, a soberanía alimentaria e a cooperación ao desenvolvemento, aproveitando os materiais realizados e facendo algún novo que se adapte a outros rangos de idade, xa que nesta ocasión, a poboación obxectivo serán os alumnos de último curso da ensinanza pública obrigatoria, tanto do rural como da cidade, pero limitándonos ao concello de Lugo. Se quere que os mozos/as que están a rematar os seus estudos obrigatorios, vexan outras alternativas de futuro fóra das que a ensinanza regrada lles ofrece; alternativas baseadas na agroecoloxía, na cooperación e na solidariedade.