Apoio ao Programa Vacacións en Paz
Vacacións en Paz preséntase nun marco de solidariedade e axuda desinteresada co fin de propiciarlles unha estancia agradable e humanamente aos nenos e nenas saharauís. Trátase, por tanto, de ofrecerlles a estas nenas e nenos, nacidos no medio dun clima de guerra, unha posibilidade de coñecer formas distintas de vida, de maneira que iso contribúa, non só na súa formación, senón tamén en mellorar e potenciar a comunicación e o entendemento entre os pobos de España e o pobo saharauí.
Estes/as nenos/as naceron nos campos de refuxiados saharauís, situados desde fai máis de 40 anos na zona da Hamada argelina, en Tindouf, preto da fronteira argelina-saharauí; é dicir, son fillos/as das persoas saharauís que abandonaron os seus fogares ante a represión, invasión e ocupación ilegal por parte de Marruecos do territorio do antigo Sáhara español en 1975.
Este proxecto deseñouse co fin de poder trasladar ao maior número de nenos/as lonxe dese territorio hostil, sobre todo nos meses de verán, xa que as condicións atmosféricas son extremas, superando os 50º de calor, facendo a súa vida aínda máis complexa.
Ministerio de Xuventude Saharauí
Xeral: Mellorar as condicións de vida dos menores participantes no Programa Vacacións en Paz 2025.
Específico: Trasladar aos 113 menores saharauís procedentes dos campos de refuxiados saharauís en Tindouf (Alxeria) para pasar dous meses de verán acollidos por familias galegas.
RE 1. Financiación dos pasaxes de ida e volta para o traslado de 113 menores saharauís para pasar dous meses de verán acollidos por familias galegas.
A.1.1: Contratación do voo para a ida (Tindouf-Galicia) e a volta (Galicia-Tindouf) coa compañía aérea.
A.1.2: Recollida e traslado ata o voo tanto para a ida como para a volta de 113 menores saharauís procedentes dos campos de refuxiados saharauís en Tindouf (Alxeria) para pasar dous meses de verán acollidos por familias galegas.
Directa: 113 nenas/nenos
100.000 € (2025)