Apoio a tres puntos de saúde en Cisxordania para atención a persoas refuxiadas de Palestina máis vulnerables con enfoque de xénero

Nesta intervención levada a cabo pola Asociación Comité Español da UNRWA preténdese prestar servizos sanitarios primarios integrais e de calidade, en especial nas comunidades máis vulnerables á ocupación en Cisxordania, mediante o mantemento de tres puntos de saúde Adh Dhahiriya Beit Awwa e Ar Ramadin no gobernorado de Hebrón, en Cisxordania (tPo) durante 12 meses. Estes puntos están situados en zonas rurais e illadas, sen acceso a servizos sanitarios. Os tres centros sitúanse en zonas nas que Israel exerce o control, o que dificulta o movemento da poboación para recibir os servizos de saúde. Por iso, este proxecto pretende prestar atención en saúde primaria cun enfoque familiar, saúde materno infantil, con incidencia na atención en planificación familiar, atención a mulleres que queren quedar embarazadas, atención perinatal e atención postnatal e a nenos e nenas ata os 12 meses e finalmente, atención a persoas con enfermidades crónicas non transmisibles (diabetes, hipertensión...). Ademais disto, o equipo de saúde realiza actividades de prevención e de promoción dun estilo de vida saudable con actividades comunitarias