Atención sanitaria de pacientes en situación de vulnerabilidade en resposta á crise sanitaria (Guinea Bissau)
Este proxecto enmárcase dentro dunha realidade producida despois da pandemia, na que os sanitarios de Guinea Bissau atópanse nun proceso de folga o que produce unha incapacidade de dar resposta ás necesidades da poboación, pola falta de recursos, persoal e sistemas de electricidade precarios. Garantir a atención sanitaria de pacientes en situación de vulnerabilidade do Centro de Saúde Materna, Infantil e tratamento de VIH "Ceu e Terras" en Bissau como obxectivo específico enmarcado na promoción do dereito á saúde en Guinea Bissau, en resposta á crise sanitaria deste ano. Preténdese ofrecer unha resposta de emerxencia, para fortalecer as capacidades de atención médica dun dos centros de saúde de referencia de Bissau, atender a máis de 18.000 pacientes, e actuar en consonancia coas políticas públicas de saúde de Bissau, amparados polo Ministerio de Saúde ante a situación de crise sanitaria que vive a poboación de Bissau.
Céu e Terras
Xeral: Promover o dereito á saúde en Guinea Bissau, en resposta á crise sanitaria.
Específico: Garantir a atención sanitaria de pacientes en situación de vulnerabilidade do Centro de Saúde Materna, Infantil e tratamento de VIH "Ceu e Terras" en Bissau en resposta á crise sanitaria.
RE 1.1. Garantida a contratación de persoal e o equipamento informático das consultas e a farmacia do Centro de Saúde Materna, Infantil e tratamento de VIH de Bissau durante a situación de crise.
A.1.1.1. Contratación de persoal técnico especializado para as consultas, laboratorio e farmacia.
A.1.1.2. Equipar con material informático adecuado a farmacia e as consultas médicas especializadas.
RE 1.2. Garantidos análises de diagnóstico e acceso a medicamentos esenciais aos pacientes do Centro de Saúde Materna, Infantil e tratamento de VIH "Ceu e Terras" en Bissau.
A.1.2.1. Adquisición e almacenamento de medicamentos e material sanitario básico de emerxencia.
A.1.2.2. Distribución dos tratamentos necesarios e/ou realización dos exames de diagnóstico e tests complementarios receitados a cada paciente que necesita de asistencia.
A.1.2.3. Establecemento dun protocolo de rexistro dos materiais e medicamentos utilizados no centro de tratamento.
RE 1.3. Asegurado a subministración de enerxía para o laboratorio e salas de consulta do centro de Saúde Materna, Infantil e tratamento de VIH para a atención en situacións de crises.
A.1.3.1. Selección de empresa de enerxía solar e formalización dun contrato de instalación do sistema solar de iluminación.
A.1.3.2. Instalación do sistema solar de iluminación para o centro Ceu e Terras.
Directa: 18.591 persoas usuarias do centro de saúde, das cales 9.494 son mulleres, 2.424 son homes, 3.866 nenos e 2.807 nenas.
Indirecta: 92.955 persoas das cales 47.470 son mulleres, 12.120 homes, 19.330 nenos e 14.035 nenas.
Axuda Xunta de Galicia: 70.000,00 €