AUMENTO DO COÑECEMENTO E DA IMPLICACIÓN DA CIDADANÍA GALEGA SOBRE OS DEREITOS DOS POBOS INDÍXENAS A TRAVÉS DA EXPERIENCIA DUNHA COOPERACIÓN INTEGRAL

Este proxecto é resultado do labor coordinado de catro das ONGD galegas que están traballando xuntas en Guatemala no marco do Programa de desenvolvemento integral Oxlajuj Tz’Ikin. Con esta campaña, búscase achegar á sociedade galega, especialmente á mocidade, non só as problemáticas que afectan a zona de intervención e as potencialidades da cooperación multisectorial e integral impulsada pola DXREeUE, senón sobre todo – dende unha rigorosa perspectiva de xénero – a cultura maia e as súas reivindicacións como pobo indíxena. Utilizando métodos participativos, dinámicas de grupo, actividades lúdicas e metodoloxías innovadoras, procurarase vincular unha mensaxe de respecto ás culturas diferentes, aportar máis coñecementos sobre o enfoque de xénero con pertinencia cultural e estimular unha reflexión sobre a marcha do programa, a dous anos do seu comezo.
O proxecto prevé achegarse á mocidade galega mediante diversas accións, contando coa participación de expoñentes indíxenas do Programa Oxlajuj Tz’Ikin e creándose un intercambio de experiencia Guatemala - Galicia como estímulo á reflexión no público, ademais doutras actividades.
Período de execución: setembro 2010 – novembro 2011