Avance da xestión comercial do comercio xusto en Solidariedade Internacional de Galicia

O proxecto céntrase na mellora do aspecto comercial do labor realizado por Solidariedade Internacional de Galicia (SIG) no eido do Comercio Xusto. Así, propóñense accións orientadas a conseguir unha xestión óptima dos puntos de venda e da política de compras como requisitos imprescindibles para acadar o obxectivo último do proxecto, que é mellorar a rendibilidade das vendas de Comercio Xusto nas tres tendas que SIG ten abertas permanentemente nas cidades de A Coruña, Ourense e Pontevedra.

O proxecto incorpora unha liña de formación dirixida ao persoal vinculado á área de Comercio Xusto na que se apostará pola atención á especificidade e características propias deste tipo de entidades e ao traballo de SIG en concreto.

Ademais, promoverase o acceso a un contacto cada vez máis directo cos produtores de Comercio Xusto e con outro tipo de entidades de carácter internacional vinculadas a este movemento, reforzando así o papel de SIG neste ámbito e supoñendo un salto cualitativo importante nas relacións comerciais das organización cos actores máis importantes que neste momento traballan a prol do Comercio Xusto.

Dado que o Comercio Xusto constitúe unha das bases sobre a que SIG sobre o que se asenta gran parte do seu traballo, o fortalecemento desta área reverterá directamente en todo o conxunto da entidade.