A Axenda 2030, un reto local nun mundo en transformación II
Este proxecto xorde da experiencia acumulada do Fondo Galego nos seus 24 anos de andaina, así como das demandas e vontades das administracións locais socias. Tivéronse en conta asemade as principais debilidades detectadas para a difusión e implementación dos ODS no eido local, buscando actividades que resultaran atractivas e novidosas. Por outra banda, a participación de concellos de menos de 50.000 habitantes está garantida, sendo un obxectivo para o Fondo Galego promover actividades destinadas aos concellos pequenos e medianos en función da súa poboación.
O proxecto é a segunda fase do convenio asinado no ano 2020, polo que nesta fase II se presentan importantes retos, pretendendo dar un paso máis alá para procurar unha maior eficacia, eficiencia e impacto sobre a importancia da implicación das entidades locais no cumprimento dos ODS e no eido da cooperación ao desenvolvemento, buscando sinerxías coa administración local e rexional dos países de lingua oficial portuguesa.
Xeral: Fortalecidas, con sinerxía e coordinación, as políticas públicas municipais de cooperación ao desenvolvemento e o cumprimento da Axenda 2030.
Específico: Promovida a implicación dos concellos e deputacións galegas na consecución dos ODS e na cooperación ao desenvolvemento.
RE 1.1. Incrementada a implicación das administracións locais galegas no cumprimento da Axenda 2030 a nivel local.
A.1.1.1. Plans municipais para a implementación dos ODS.
A.1.1.2. Curso online sobre a localización da Axenda 2030.
A.1.1.3. Axendas 2022.
A.1.1.4. Memoria 2020.
RE 1.2. Fomentadas as relacións de solidariedade entre o municipalismo galego e os países empobrecidos.
A.1.2.1. II Foro da Cooperación Municipalista da Lusofonía.
A.1.2.2. Ciclo de webinars.
Directa: A poboación beneficiaria de maneira directa serán 55 entidades locais galegas, e 13 entidades parceiras nos países empobrecidos. En total 297 persoas, das cales 96 son homes e 201 mulleres.
Axuda Xunta de Galicia: 60.000,00 €