Axuda humanitaria a familias indíxenas en situación de extrema pobreza, damnificadas polas choivas torrenciais, inundacións e xeadas en Ccellopampa, Apurimac. Perú

Fenómenos naturais de tipo climatolóxico, como chuvias torrenciais, xeadas e nevadas, afectan de xeito recorrente á rexión peruana de Apurimac, situada na vertente oriental da cordilleira andina. As fortes precipitacións, acaecidas habitualmente entre os meses de novembro a maio, provocan na rexión danos como desbordes de ríos, inundacións ou desprendementos. De abril a outubro, cada ano, a rexión está influenciada por aires extremadamente fríos.

Durante o primeiro trimestre de 2012, a elevada afectación de familias, a interrupción de vías e a deterioración de infraestruturas educativas e vivendas, provocados por estes fenómenos, determinaron que o goberno declarase o estado de urxencia nesta rexión.

As familias máis afectadas por estas condicións meteorolóxicas adversas son as poboadoras das zonas alto andinas do Distrito de Cotaruse, onde se atopa situada a comunidade de Ccellopampa, localizada a uns 4000 metros sobre o nivel do mar. No período de xeadas máis críticas, a poboación soporta temperaturas de ata 30º C baixo cero que cobren a extensión da comunidade baixo un manto branco e provocan o colapso das súas vivendas, a perda de animais (alpacas, chamas e ovinos) por falta de pastos e a perda dos seus poucos recursos de produción agropecuaria (papa, oca, olluco, faba), ao cal tamén contribúen as fortes precipitacións. As chuvias torrenciais deste ano, sumadas ás xeadas e sarabiadas, provocaron que se perda un 70% da produción agrícola, base da subsistencia da poboación, poñendo en risco a súa seguridade alimentaria. A axuda proposta co proxecto tratará de minimizar os efectos do intenso frío nos ámbitos da habitabilidade, a alimentación e a saúde.