Biblioteca Humana: libros que contan historias de cooperación e solidariedade.
Trátase dun programa de innovación social e comunicación orientado a fortalecer a lexitimidade social da cooperación internacional e a promover valores como a xustiza global, os dereitos humanos, a igualdade de xénero, a interculturalidade e a cultura da paz nos ámbitos cultural e mediático de Galicia. O programa aborda un desafío crecente: a limitada visibilidade da cooperación internacional e das causas estruturais das desigualdades globais na esfera pública galega, un contexto caracterizado pola saturación informativa, a proliferación de narrativas simplistas ou descontextualizadas e a dificultade para conectar a cidadanía coas realidades e transformacións impulsadas polos esforzos de cooperación galegos.
O programa “Bibliotecas humanas, libros que contan historias. Historias de cooperación e solidariedade” desenvolverase de xeito articulado en tres niveis territoriais complementarios (galego, estatal e internacional) que conforman unha estratexia de comunicación única para a transformación social.
Xeral: Para contribuír a reforzar o recoñecemento público da cooperación internacional como ferramenta de transformación social, facendo fronte ás narrativas que cuestionan a súa relevancia, fomentando unha cidadanía galega crítica, corresponsable e comprometida coa xustiza global.
Específico: Incrementar a presenza, a visibilidade e a influencia das narrativas vencelladas á cooperación internacional, á xustiza global e ás alternativas para a transformación social nos ámbitos cultural, mediático e da opinión pública de Galicia, promovendo ao mesmo tempo o papel protagonista das voces do Sur Global e da sociedade civil organizada.
RE 1.1. Crear un documental transmedia que, partindo das voces e experiencias de persoas e comunidades do Sur e do Norte globais vinculadas a Solidariedade Internacional de Galicia, poña de relevo as achegas da Cooperación Galega aos procesos de transformación social e á construción de alternativas para a xustiza global impulsadas polas propias comunidades.
A.1.1.1. Investigación narrativa, documentación de contextos e recompilación de testemuños sobre experiencias de transformación social vencelladas aos contextos dos "Libros Humanos".
A.1.1.2. Formación e posta en marcha de unidades hortícolas que aproveitan os efluentes fertilizados do depósito, promovendo unha economía circular.
A.1.1.3. Deseño metodolóxico e planificación detallada do programa Biblioteca Humana.
RE 2.1. O documental transmedia sobre as achegas da cooperación galega aos procesos de transformación social no Sur Global difundiuse a través dun programa de "Biblioteca Humana" en bibliotecas públicas de toda Galicia, así como a través de medios de comunicación galegos e outros espazos de formación da opinión pública.
A.2.1.1. Desenvolvemento de Bibliotecas Humanas en oito bibliotecas públicas galegas e nun espazo cultural en Guatemala.
A.2.1.2. Itinerancia e dinamización do documental transmedia nas bibliotecas participantes.
A.2.1.3. Desenvolvemento de clubs de lectura nas bibliotecas participantes.
A.2.1.4. Recoller as reflexións da cidadanía e promover compromisos cunha comunicación transformadora.
A.2.1.5. Desenvolvemento dunha estratexia de comunicación multicanle e de incidencia pública para ampliar as narrativas xeradas a través do documental transmedia.
RE 3.1. Desenvolveuse e impulsouse un Pacto Galego pola Comunicación para a Transformación Social para coordinar os compromisos institucionais e cidadáns orientados a fortalecer a presenza da cooperación internacional, os dereitos humanos e a xustiza global nos ámbitos da cultura, os medios de comunicación e a participación social en Galicia.
A.3.1.1. Sistematización e análise das reflexións, propostas e compromisos cidadáns recollidos durante o programa "Bibliotecas Humanas".
A.3.1.2. Elaboración participativa do Pacto Galego pola Comunicación para a Transformación Social, fundamentado en enfoques feministas, decoloniais, interculturais, de dereitos humanos e de cultura de paz, co obxectivo de promover narrativas transformadoras e fortalecer a lexitimidade social da cooperación internacional.
A.3.1.3. Promoción dun proceso de adhesión ao Pacto Galego pola Comunicación para a Transformación Social, implicando medios de comunicación e outros axentes estratéxicos con capacidade para influír na opinión pública galega.
A.3.1.4. Difusión pública do Pacto Galego pola Comunicación para a Transformación Social como instrumento colectivo para fomentar narrativas transformadoras e reforzar a lexitimidade social da cooperación.
Directa: 62.692 persoas (28.070 homes e 34.622 mulleres)
Indirecta: 1.208.000 persoas (579.840 hombres y 628.160 mulleres)
Xunta de Galicia: 109.999,82 € (27.499,96€ en 2026, 41.249,93€ en 2027 e 41.249,93€ en 2028).