Convenio de colaboración coa UNRWA (Axencia das Nacións Unidas para os refuxiados en Palestina) para o proxecto Mellora da seguridade alimentaria na Franxa de Gaza "Contribuíndo á supervivencia da poboación refuxiada Palestina a través da provisión de ali

Este proxecto enmárcase dentro do Programa de Emerxencia de UNRWA na Franxa de Gaza, concretamente nun dos seus compoñentes fundamentais, o Programa de Axuda Alimentaria de Emerxencia, que ten por obxecto a provisión de axuda alimentaria de emerxencia a 800.000 persoas, distribuída en catro rondas anuais.
A proposta que presentamos enmárcase así mesmo dentro da emerxencia a gran escala, debido á aguda crise humanitaria que sufre actualmente a poboación de Gaza como consecuencia, entre outros, das hostilidades do verán de 2014 - e de maneira máis severa a poboación refuxiada – como resultado do estado continuo de violencia no que vive a poboación desde fai décadas.
A contribución da Xunta de Galicia destinarase a completar unha das catro rondas de axuda alimentaria, reducindo o impacto do bloqueo sobre as familias refuxiadas máis vulnerábeis da Franxa de Gaza, mediante a mellora da seguridade alimentaria da poboación máis vulnerábel, dando acceso a alimentos de primeira necesidade con valores calóricos elevados.