Convenio de colaboración entre a Axencia Española de Cooperación Internacional para o Desenvolvemento e as Comunidades Autónomas de Galicia, A Rioxa, Castela-A Mancha, Illas Baleares, Madrid e Estremadura para a programación conxunta en materia de Acción

O presente convenio ten por obxecto regular a colaboración das partes asinantes en materia de acción humanitaria e, de maneira específica, o establecemento das finalidades específicas da dita colaboración, así como os compromisos financeiros asumidos polas mesmas, para a consecución dos obxectivos do Convenio Marco de colaboración para a articulación, coordinación e complementariedade da cooperación descentralizada coa SGCID.
Para unha maior calidade e impacto das actuacións no ámbito da acción humanitaria e de emerxencia é precisa a máxima coordinación entre os axentes que a financian e levan a cabo. Neste sentido a través do presente convenio póñense as bases para unha articulación e planificación conxunta da acción humanitaria estatal e autonómica.
Para a coordinación das actuacións previstas neste convenio, existirá unha Comisión de Coordinación, integrada por dous representantes da AECID e dous representantes de cada Comunidade Autonómica. Ao ter a mesma carácter paritario, o voto dos dous representantes da AECID equivalerá ao cincuenta por cento do total, mentres que, pola súa parte, todos os votos dos representantes das Comunidades Autónomas equivalerán ao cincuenta por cento restante.