Cultura da sostibilidade e cooperación ao desenvolvemento: realidades e perspectivas educativas en Galicia e R. Dominicana.

A construción dunha cultura da sustentabilidade que avoga pola defensa do medioambiente, a limitación dos problemas ambientais e a asunción dun modelo de vida alternativo menos nocivo para a contorna, está ligada á sensibilidade, actitudes e formación ambiental do estudantado e profesorado nos centros educativos, cuxos axentes en Galicia e República Dominicana teñen escasa formación e conciencia do que supón o desenvolvemento dunha cultura cooperativa e da sustentabilidade. O que dificulta a integración da visión de sustentabilidade nos procesos de educación para o desenvolvemento, que coincide co descoñecemento das potencialidades da cooperación para o desenvolvemento creando sociedades máis equitativas e sustentables.

A importancia do exercicio da cidadanía global e a responsabilidade que implica xustifican a presente investigación que indaga nos coñecementos, prácticas, compromisos e expectativas do estudantado e do profesorado en Galicia e República Dominicana en relación ao proceso de construción dunha cultura da sustentabilidade e a cooperación.