Empoderamento social, económico e político de mulleres en situación de vulnerabilidade a través do fortalecemento de mecanismos de participación no municipio de Malacatancito, Huehuetenango, Gtemala
O obxectivo do proxecto é incrementar o número de mulleres con autonomía económica mediante o fortalecemento das súas capacidades produtivas e acceso a oportunidades de xeración de ingresos. Paralelamente, impúlsase a súa participación activa e informada en espazos de toma de decisións como os Consellos Municipais de Desenvolvemento (COMUDE) e outras instancias municipais, promovendo o seu liderado e capacidade de incidencia.
Esta acción busca contribuír a unha transformación estrutural que garanta a igualdade de xénero e a inclusión das mulleres como actoras chave no desenvolvemento local. Esta transformación estrutural lévase a cabo por medio do desenvolvemento dun plan municipal de transformación social con enfoque de xénero validado polo Concello Municipal e construído a partir de procesos participativos en cinco comunidades. Tamén se desenvolven cinco obradoiros formativos sobre participación social e política, dereitos humanos das mulleres e igualdade de xénero. Estas accións promoven a corresponsabilidade familiar e o cambio cultural cara á equidade de xénero, cun enfoque transformador baseado en dereitos.
O proxecto desenvólvese no departamento de Huehuetenango, onde o 73% da poboación vive en situación de pobreza e o 29% é analfabeta. Ademais das desigualdades estruturais que afectan sobre todo as mulleres en xeral e ás indíxenas en concreto.
Tierra Nueva
Xeral: Contribuír á transformación estrutural das desigualdades de xénero no municipio de Malacatancito, Huehuetenango, fortalecendo o empoderamento social, económico e político das mulleres indíxenas e rurais como titulares de dereitos, a través de procesos participativos e do compromiso institucional.
Específico: Fortalecer as capacidades organizativas, económicas e políticas das mulleres do municipio de Malacatancito para o exercicio pleno dos seus dereitos e a súa participación activa no desenvolvemento local, mediante a articulación con institucións públicas e organizacións comunitarias desde un enfoque de xénero, dereitos humanos e interculturalidade.
RE 1.1 Fortalecida a capacidade comunitaria para impulsar procesos de transformación social e prevención das violencias de xénero, mediante accións participativas de formación, diálogo e creación colectiva desde un enfoque de dereitos humanos, xénero e interculturalidade.
A.1.1.1 Formación para a defensa dos dereitos das mulleres e a corresponsabilidade familiar.
A.1.1.2 Espazos lúdico-pedagóxicos para transformar percepcións patriarcais en nenas, nenos, adolescentes e mocidades.
A.1.1.3 Diálogo comunitario para a análise e transformación da violencia baseada en xénero.
RE 1.2 Capacidades fortalecidas das mulleres para exercer os seus dereitos económicos, organizativos e políticos, participando activamente no desenvolvemento comunitario e en procesos que promovan a súa autonomía económica e liderado social en cinco comunidades do municipio de Malacatancito.
A.1.2.1 Formación integral para o empoderamento político, social e económico das mulleres.
A.1.2.2 Formación política e cidadá de lideresas con enfoque de xénero e dereitos humanos.
A.1.2.3 Conformación de grupos de auto aforro baixo a metodoloxía “Mulleres Empoderadas (ME)”
RE 1.3 Fortalecida a articulación entre institucións públicas e actores comunitarios para fortalecer mecanismos locais de incidencia con enfoque de xénero, dereitos e interculturalidade, en coordinación coas redes de mulleres.
A.1.3.1 Formación a persoal institucional en dereitos humanos, xénero e interculturalidade.
A.1.3.2 Fortalecemento da Rede Municipal de Mujeres mediante espazos de coordinación interinstitucional e comunitaria.
A.1.3.3 Implementación de accións do Plan de Transformación Social con participación de redes de mulleres e actores comunitarios.
Directa: 550 (300 mulleres/nenas, 250 homes/nenos)
Indirecta: 1.950 (1.200 mulleres/nenas, 750 homes/nenos)
185.000,00 € (64.750,00 € en 2025 e 120.250,00 € en 2026)