Estudo do PDOT da zona 6 de planificación en Ecuador: aprendendo leccións para a cooperación internacional.

A tese do proxecto é que os problemas ambientais, de vivenda, de servizos insuficientes, de dependencia económica, etc. son problemas territoriais. Por tanto, a xeración de coñecemento en Ordenación Territorial (OT) é unha maneira eficaz de enfrontarse a eles e resolvelos.
Ecuador está a tratar de facer fronte a estas problemáticas con políticas de OT, polo que representa un campo de estudo para facer investigación sobre novos paradigmas de cooperación internacional para o desenvolvemento.
O proxecto traducirase na elaboración de 2 artigos de investigación e un Informe para a Cooperación Galega que inclúa leccións aprendidas e recomendacións de utilidade para a mellora das intervencións de loita contra a pobreza e, tamén aspira a que algunhas das recomendacións incluídas no Informe sexan acollidas favorablemente polo sistema galego de cooperación ao desenvolvemento e que se promovan cambios nas modalidades e instrumentos de axuda vixentes.