Fomentando iniciativas produtivas con valor agregado para a redución da pobreza e a exclusión das mulleres da Parroquia de Quisapincha, Tungurahua (Ecuador)
O presente proxecto executarase en 4 comunidades da parroquia de San Antonio de Quisapincha, no cantón Ambato, provincia de Tungurahua. O mesmo ten como finalidade “Contribuír a eliminar a feminización da pobreza da poboación rural da serra ecuatoriana a través de modelos produtivos inclusivos e sustentables” entendendo a pobreza dunha forma multidimensional e vinculada á discriminación e á desigualdade que viven determinados grupos sociais, como son as mulleres, rurais e indíxenas, poboación meta do proxecto. O proxecto desenvolverase ademais, desde o compromiso cos enfoques de Dereitos Humanos, Interculturalidade e Sustentabilidade.
Para iso a intervención enfocará a súa acción en “Mellorar a autonomía económica e social das mulleres fomentando iniciativas produtivas con valor agregado na parroquia de Quisapincha, Tungurahua” mediante un proceso integral de empoderamento socioeconómico e de mellora da produtividade.
Fundación Humana Pueblo a Pueblo
Obxectivo xeral: Contribuír a eliminar a feminización da pobreza da poboación rural da serra ecuatoriana a través de modelos produtivos inclusivos e sustentables.
Obxectivo específico: Mellorar a autonomía económica e social das mulleres fomentando as iniciativas produtivas con valor agregado na parroquia de Quisapincha, Tungurahua.
RE 1.1: Fortalecida a capacidade de produción, transformación e comercialización das asociacións produtoras de Uvilla con enfoque de xénero e agroecoloxía.
A 1.1: Acompañamento e asesoramento individualizado e colectivo a mulleres e homes para a diversificación da produción e manexo de boas prácticas agrícolas (BPA).
A 1.2 Fortalecemento das capacidades de xestión empresarial das mulleres mediante a elaboración do Plan de Negocio de Uvilla.
A 1.3 Capacitación para a creación de organización de Economía Popular e Solidaria (EPS).
A 1.4: Construción, equipamento e posta en marcha da área de transformación e comercialización de Uvilla.
RE 1.2: Fortalecida a capacidade de conciencia crítica de xénero para a incidencia nas asociacións produtoras, facendo énfases no empoderamento económico das mulleres a partir de intereses estratéxicos de xénero.
A 2.1 Deseño e impartición de talleres sobre xénero, autonomía, empoderamento económico e dereitos das mulleres.
A 2.2: Encontro para o Intercambio de Experiencias de Empoderamento Económico entre mulleres produtoras dentro da Economía Popular e Solidaria.
RE 1.3: Xerados espazos de reflexión comunitarios para a construción de relacións igualitarias entre homes e mulleres para previr a violencia de xénero.
A 3.1 Deseño e impartición de talleres de sensibilización a homes novos e adultos sobre xénero, corresponsabilidade, tipos de masculinidade e violencia de xénero.
A 3.2: Espazos mixtos de reflexión sobre corresponsabilidade familiar, paternidade responsable, comunicación afectiva e asertiva para a prevención de violencia.
Actividades transversais:
AT .1. Seguimento técnico-económico, avaliación interna e externa do proxecto.
AT .2. Sensibilización e difusión do proxecto en Galicia, así como difusión en Ecuador.
Directa: A poboación destinataria directa é de 200 persoas, 135 mulleres e 65 homes, agrupadas en distintas asociacións comunitarias: Ñuca Llakta, Condezán, La Salle, Mujeres Kickwas de Don José. O total da poboación destinataria provén de zonas rurais, sendo a 100% poboación indíxena.
Indirecta: Estímase que a poboación indirecta será un total de 1.000 persoas, concretamente poboación indíxena conformada entre 325 homes e 675 mulleres.
Axuda Xunta de Galicia: 173.915,50 € (2019: 69.566,20 €; 2020: 104.349,30 €)