FORTALECEMENTO DO TRABALLO DE EDUCACIÓN PARA O DESENVOLVEMENTO E SENSIBILIZACIÓN DE ACPP GALICIA

O plan de mellora a desenvolver por ACPP Galicia desde 2008 céntrase en 4 eixes fundamentais:
1. Mellora da capacidade de xestión de ACPP Galicia, na identificación, deseño, execución, seguimento técnico e administrativo e avaliación de proxectos, enfocado na formación continua e reciclaxe dos técnicos e socios de ACPP Galicia na xestión do ciclo de proxecto, en áreas de especial sensibilidade para a delegación como saúde, seguridade alimentaria, pesca e axuda humanitaria.
2. Mellora da área de educación para o desenvolvemento, sensibilización e comunicación de ACPP Galicia enfocado en mellorar, por unha banda, a capacidade de transmitir a mensaxe á poboación, adquirindo capacidades para o deseño e a análise dos materiais usados para a sensibilización e a educación para o desenvolvemento, e por outra, o traballo de difusión nos medios de comunicación galegos, o que está apoiado pola Asociación Galega de Reporteiros Solidarios (Agareso).
3. Mellora nas actividades de fomento do voluntariado e da participación cidadá, para o que está en marcha un plan para dinamizar os socios co fin de buscar que se involucren nas actividades de sensibilización, proceso de formación aberto a todos os/as socios/as de ACPP Galicia.
4. Fortalecer o traballo en rede de ACPP Galicia, especialmente o relacionado coas comisións de traballo da Coordinadora Galega de ONGD, outras ONGD galegas e outros axentes de cooperación.
Período de execución: setembro 2010 – xuño 2011