Fortalecer os recursos locais de prevención e protección das mulleres e nenas sobreviventes de violencia sexual (vs) e violencia baseada no xénero (vbx) nos asentamentos informais de poboación refuxiada en Eastliegh North, Nairobi, baixo un enfoque de restitución integral e promoción dos dereitos sexuais e reprodutivos (DSR)
Convenio asinado no marco do Pacto de Estado contra a Violencia de Xénero para o financiamento de actuacións no marco das medidas 36 e 37 do dito Pacto, que afectan ao ámbito da cooperación internacional:
- Medida 36: promover que no marco da cooperación internacional se destinen recursos para medidas específicas contra a violencia machista dentro dos protocolos de actuación en campos de refuxiados e refuxiadas.
- Medida 37: instar a que nos recursos dedicados por España á cooperación internacional para refuxiados e refuxiadas se apliquen medidas específicas para a prevención da violencia machista contra as mulleres e menores de idade, tanto en tránsito como en destino.
O proxecto ten como obxectivo específico “Fortalecer os recursos locais de prevención e protección das mulleres e nenas sobreviventes de VS e VBX nos asentamentos informais de poboación refuxiada en Eastliegh North, Nairobi, baixo un enfoque de restitución integral e promoción dos DSR”, para o que articula accións para a abordaxe holístico das causas e consecuencias da VBX (violencia baseada no xénero) e a VS (violencia sexual). Por unha banda, integra accións de prevención e promoción de identidades de xénero non violentas (campaña de sensibilización para a promoción dos DSR e novas masculinidades corresponsables) e por outro, combina accións dirixidas á restitución dos dereitos vulnerados das sobreviventes de violencia sexual e VBX incluíndo: atención sanitaria de urxencia que permite evitar as consecuencias físicas sobre a saúde (lesións, transmisión de ETS, embarazos non desexados…etc); atención psicosocial para a recuperación emocional e a reintegración da sobrevivente na contorna superando o estigma e sanción social asociada á agresión (articulando accións a nivel individual, grupal, familiar e comunitario); asesoramento legal e referenciación a recursos comunitarios especializados e acceso a actividades de capacitación en actividades xeradoras de ingresos e acceso a medios de vida sustentables.
Foundation for Health and Social Economic Development Africa (HESED - Africa)
Obxectivo Xeral: Promover o dereito á saúde e a unha vida libre de violencia das mulleres e nenas refuxiadas en Nairobi.
Obxectivo Específico: Fortalecer os recursos locais de prevención e protección das mulleres e nenas sobreviventes de VS e VBX nos asentamentos informais de poboación refuxiada en Eastliegh North, Nairobi, baixo un enfoque de restitución integral e promoción dos DSR.
Resultado 1: As mulleres e nenas sobreviventes de VS e VBX refuxiadas en Nairobi ven ampliadas as súas oportunidades de reinserción comunitaria integral e de restitución das súas DESCA e DSR vulnerados.
Actividade 1.1. Atención sanitaria integral a mulleres refuxiadas e en idade fértil, embarazadas e sobreviventes de VS e VBX no centro de saúde de Eastliegh.
Actividade 1.2. Articulación de grupos de terapia e apoio psicosocial a mulleres sobreviventes de VS e VBX e a súa contorna.
Actividade 1.3. Asesoría legal e acompañamento xurídico a mulleres sobreviventes de violencia sexual e violencia baseada no xénero.
Actividade 1.4. Capacitación a mulleres refuxiadas sobreviventes de VS en actividades xeradoras de ingresos e medios de vida.
Resultado 2: Promovidas contornas saudables, seguros e sensibles ás necesidades específicas de xénero e idade entre a poboación refuxiada en Nairobi, baixo un enfoque de corresponsabilidade.
Actividade 2.1. Articulación dunha rede de persoas defensoras de xénero (13 persoas) en Eastliegh North en técnicas de comunicación social para a promoción dos DSR, a prevención da violencia e ferramentas de avaliación e recuperación psicolóxica e emocional.
Actividade 2.2. Distribución de artigos de hixiene entre as unidades de convivencia de poboación refuxiada máis vulnerable nos asentamentos informais de Eastliegh North.
Actividade 2.3. Articulación dunha campaña de incidencia social para a promoción do dereito das mulleres á saúde integral, a unha vida libre de violencia e a promoción de novas masculinidades.
3.270 persoas (2.323 mulleres e 947 homes)
Axuda Xunta de Galicia: 40.000 € (2019)