FORTALECIDA A ESTRATEXIA E COMUNICACIÓN DA FUNDACIÓN CUME
Tras realizar unha análise DAFO, a entidade presenta un plan de mellora que pasa por tres eixes fundamentais: novo plan estratéxico, plan de comunicación, novo persoal adicado á implementación do plan, aproveitamento da páxina web da entidade, apertura de novas vías de comunicación coas institucións, ONGD, doantes, voluntarios, cos medios e prestación de axuda técnica en comunicación nos proxectos.
Búscase con este plan influír de xeito importante no fortalecemento da fundación e potenciar un impulso de cara a obter unha mellor valoración da entidade en convocatorias futuras, unha mellora na súa política de comunicación, unha maior implantación na comunidade autónoma galega...
Período de execución: setembro 2010 – novembro 2011
Fortalecer o sector galego de cooperación
- Contratación dunha consultora para elaborar o plan estratéxico e de comunicación e formación conxunta co equipo de traballo.
- Realización de dous obradoiros de análise estratéxica.
- Reunións de preparación, revisión, modificacións e aprobación do plan estratéxico.
- Deseño e presentación do plan de comunicación da Fundación Cume.
- Contratación dun técnico en comunicación.
- Actualización da páxina web da Fundación Cume.
- Deseño e publicación de boletíns electrónicos.
29.931€ (2010: 11.972,40€ - 2011: 17.958,60€)