Identificación e creación de mecanismos para afrontar a violencia de adolescentes e mulleres refuxiadas na fronteira sur de México
Convenio asinado no marco do Pacto de Estado contra a Violencia de Xénero para o financiamento de actuacións no marco das medidas 36 e 37 do dito Pacto, que afectan ao ámbito da cooperación internacional:
- Medida 36: promover que no marco da cooperación internacional se destinen recursos para medidas específicas contra a violencia machista dentro dos protocolos de actuación en campos de refuxiados e refuxiadas.
- Medida 37: instar a que nos recursos dedicados por España á cooperación internacional para refuxiados e refuxiadas se apliquen medidas específicas para a prevención da violencia machista contra as mulleres e menores de idade, tanto en tránsito como en destino.
Tapachula, Chiapas está a 30 km da fronteira entre México e Guatemala e é unha das principais portas de entrada a México dun fluxo continuo de persoas na súa maioría proveniente do chamado Triángulo Norte (Honduras, O Salvador e Guatemala) e lugar de ingreso das recentes caravanas de migrantes centroamericanos coas que se calcula mobilizáronse máis de 25.000 persoas entre outubro de 2018 e xaneiro 2019. Máis do 90% das solicitudes de asilo en México realízanse en Tapachula, por tanto, existe unha numerosa e crecente poboación de recentemente chegadas, solicitantes de asilo con necesidade de ser informada e de recibir axuda para supervivencia e integración local.
Dadas as situacións de violencia das que foxe a maioría da poboación, en particular as mulleres e as nenas, con este proxecto preténdese contribuír ao empoderamento de mulleres e menores acompañadas polo SJR coa identificación e creación de mecanismos para afrontar a violencia nunha nova situación de vida xerada polo refuxio, por medio do acompañamento psicosocial e xurídico, a formación, a creación de espazos de "confianza" e a realización de actividades de sensibilización que ademais visibilice a realidade de todas as mulleres en Tapachula. En base ás experiencias construirase o protocolo de atención para casos de violencia.
Trotasueños AC (Servicio Xesuíta a Refuxiados México)
Obxectivo Xeral: Garantir condicións de dignidade e non violencia para as mulleres en condicións de refuxio e desprazamento forzado por violencia en Tapachula.
Obxectivo Específico: Contribuír ao empoderamento de mulleres adultas e menores solicitantes da condición de refuxio e refuxiadas na identificación e creación de mecanismos para afrontar a violencia.
Resultado 1: Formadas 300 mulleres e 180 mulleres adolescentes solicitantes da condición de refuxio e refuxiadas sobre violencia de xénero e mecanismos para afrontar as situacións de violencia.
Actividade 1.1. Elaborar contido de formación en conxunto con mulleres. En base a metodoloxía participativa (grupos focais).
Actividade 1.2. Implementar espazos de formación e/ou grupos de confianza coas mulleres en oficina do SJR e/ou noutros espazos compartidos coas organizacións.
Actividade 1.3. Implementar espazos de formación con mulleres adolescentes en oficina do SJR e/ou noutros espazos compartidos coas organizacións.
Resultado 2: Realizadas dúas actividades de sensibilización sobre violencia contra as mulleres promovidas polas mulleres e novas acompañadas desde o SJR dirixidas á poboación local (200 persoas).
Actividade 2.1. Planificar actividades en conxunto con organizacións socias e persoas acompañadas. Por medio de reunións periódicas nos espazos propios das organizacións.
Actividade 2.2. Elaborar material necesario para as actividades desde o SXR e en coordinación con outros actores involucrados (Universidades e organizacións).
Actividade 2.3. Realizar dúas actividades de sensibilización é espazos públicos en datas relacionadas coa axenda internacional de refuxio e/ou loita contra a violencia contra as mulleres.
Resultado 3: Definida a ruta de actuación para atender, e/ou canalizar a mulleres e mozas que sufriron ou sofren violencia.
Actividade 3.1. Reunións de coordinación periódicas con distintos actores en Tapachula (sociedade civil e ACNUR).
Actividade 3.2. Elaborar a ruta de forma participativa e sistematizando as experiencias.
Actividade 3.3. Elaborar contido, deseñar e imprimir protocolo de actuación e atención a mulleres e nenas.
300 mulleres maiores de idade, provenientes de países de Centroamérica, acompañadas (desde un modelo psicoxurídico) polo SXR en proceso de solicitude de asilo ou que foron recoñecidas como refuxiadas, que sofren ou sufriron violencia.
180 mulleres adolescentes provenientes de países de Centroamérica, acompañadas da súa familia ou soas, acompañadas polo SJR ou por outras organizacións aliadas (Centro de Dereitos Humanos Fray Matías de Córdova, Iniciativas para o Desenvolvemento Humano e/ou RET).
Axuda Xunta de Galicia: 40.000 € (2019)