Impulsar a prevención da Violencia de Xénero e garantir a protección de mulleres e nenas refuxiadas de Palestina en Xordania.

O proxecto ten como obxectivo central transformar e visibilizar as relacións de poder desiguais entre xéneros, co fin de prevenir a violencia que enfrentan mulleres e menores, mellorar os servizos que se lles ofrecen e reducir o estigma que sofren as superviventes en cada campamento da UNRWA en Xordania e nas súas contornas.

A inclusión activa das mulleres, tanto no diagnóstico inicial como na avaliación do proxecto, é un compoñente fundamental. As súas voces, experiencias e perspectivas son o piar desta intervención. A través do uso do Sistema de Derivación, o proxecto enfocará particularmente a violencia sufrida, mentres que as accións de sensibilización buscarán erradicar a violencia estrutural que persiste na sociedade xordaniana.

Este convenio enmárcase dentro do Pacto de Estado contra a violencia de xénero.