Iniciativa de Desenvolvemento do sector acuícola e pesqueiro artesanal na Baía de Sechura, Perú

O presente proxecto é parte dunha intervención global de título “Incrementar a competitividade do sector pesca artesanal e acuicultura na baía de Sechura a través do fortalecemento institucional e  organizacional, a adopción de tecnoloxías e a sustentabilidade ambiental –  ACUIPESCA PERÚ”. Tras unha primeira fase de diagnóstico da situación actual realizada no ano 2019, nesta segunda fase realizaranse tarefas de capacitación, promoción, mellora das competencias e mellora da produtividade de todos os actores implicados na cadea de valor do sector, desde autoridades locais, funcionarios públicos en pesca artesanal e acuicultura para enfocalos cara a unha xestión e modelo de negocio máis eficiente. Así mesmo, o alcance inclúe o resto de elos da cadea: áreas de cultivo, OSPAS, DPAs, transportistas, plantas de procesamento e comercializadores.

A principal acción exposta para esta fase de execución do proxecto é a implementación de tres proxectos piloto de distintas fases do cultivo da cuncha de abanico, que permitan validar e verificar a viabilidade tanto técnica como económica das solucións propostas. Ademais, realizaranse diferentes talleres de socialización de resultados e accións formativas que reforcen a transferencia de coñecemento e metodoloxías consideradas clave para a mellora do sector.