Mellora da accesibilidade da poboación de Gaza a servizos de Atención Primaria de Saúde
A guerra e o colapso case total do sistema sanitario han deixado á poboación de Gaza sen acceso a servizos esenciais, exposta a malnutrición, enfermidades e unha grave deterioración da saúde mental. Neste contexto, o proxecto propón reforzar a atención primaria xestionando o Centro de Atención Primaria de Nuseirat, onde se combina asistencia médica, saúde sexual e reprodutiva, cribado nutricional e apoio psicosocial adaptado a mulleres, nenas, nenos, persoas desprazadas e comunidades de acollida. A intervención busca asegurar atención gratuíta e digna, reducindo a morbi-mortalidade e ofrecendo un espazo seguro no medio da emerxencia. A súa estratexia integra formación do persoal local, mecanismos de derivación e estándar internacionais que garanten calidade e protección. Os resultados previstos inclúen unha mellora substancial do acceso á saúde e do benestar emocional da poboación atendida. Este proxecto continúa o traballo que Médicos do Mundo desenvolve en Gaza desde 2006, consolidado desde a xestión do CAP desde xullo de 2025. Forma parte da resposta coordinado co Clúster de Saúde, Protección e Nutrición, e responde directamente ao Flash Appeal de OCHA
e ás prioridades do Ministerio de Saúde e a OMS. O seu deseño xorde de diagnósticos participativos e da observación constante das necesidades das persoas afectadas, asegurando pertinencia e coherencia nun contexto en permanente transformación.
Ministerio de Saúde (Palestina)
Xeral: Contribuír a reducir os riscos para a saúde, aliviar o sufrimento e salvar vidas de comunidades vulnerables afectadas polo conflito en Gaza a través dun acceso oportuno digno e de calidade á asistencia humanitaria.
Específico: Mellorar a accesibilidade da poboación vulnerable aos servizos de atención primaria.
RE 1.1 Maior accesibilidade aos servizos de atención primaria de saúde para a poboación vulnerable da Franxa de Gaza
A.1.1.1 Prestación directa de servizos de APS, incluída a SSR ás persoas desprazadas internas e ás comunidades de acollida.
A.1.1.2 Realización dunha avaliación nutricional.
A.1.1.3 Realización de sesións de supervisión periódicas e no posto de traballo.
RE 2.1 Mellora do benestar psicolóxico da poboación vulnerable da Franxa
de Gaza grazas a un enfoque de protección integrador
A.2.1.1 Prestación dun servizo integral de xestión de casos SMAPS.
A.2.1.2 Prestación de servizos individuais de atención psicolóxica.
A.2.1.3 Realización de actividades en grupo de apoio psicosocial para nenos, nenas, adolescentes e adultos.
A.2.1.4 Realizar sesións de supervisión periódicas e no posto de traballo para os provedores de SMAPS.
A.2.1.5 Establecemento dun sistema de apoio entre iguais e dun programa de xestión da tensión para os/as provedores de servizos de MdM.
A.2.1.6 Establecemento e promoción activa de Mecanismos de Retroalimentación e Reclamación no CAP.
Directa: 67.679 persoas (20.505 mulleres, 20.104 homes, 13.611 nenos e 13.459 nenas)
Indirecta: 338.395 persoas (102.525 mulleres, 100.520 homes, 68.055 nenos e 67.295 nenas)
Xunta de Galicia: 75.000,00 €