Mellora das condicións de acceso a un hábitat domiciliar saudable da poboación máis vulnerable do departamento de Retalhuleu, Guatemala, con énfase nas mulleres viúvas ou solteiras, a través dun proceso colaborativo entre comunidades, autoridades municipais, organizacións sociais e cooperativas.
O presente proxecto corresponde á quinta fase do Programa Ban Chuinklal (bo vivir en idioma maya mam) que dá continuidade á intervención en materia de hábitat domiciliar saudable que a Xunta de Galicia apoiou desde o ano 2008. Nesta quinta fase do programa mantense o espírito dos tres eixos de acción do traballo: (1) Fortalecemento institucional e comunitario en materia de dereito ao hábitat no municipio de Champerico, (2) Mellora das condicións de hábitat domiciliar saudable de 30 familias en condicións de alta vulnerabilidade con énfase nas mulleres viúvas e solteiras e (3) Mellora dos hábitos hixiénicos domiciliares. Para que as melloras da contorna domiciliar sexan efectivas e teñan un impacto sobre a saúde da poboación é necesario que, paralelamente, leven procesos adecuados de hixiene, limpeza, xestión de residuos, xestión de auga e coidado dos elementos da contorna domiciliar. Con todo, introdúcense en cada unha das liñas accións novas orientadas á mellora do impacto da intervención, que foron produto da reflexión e as aprendizaxes internas e da visión externa que achegaron as avaliacións finais dos últimos proxectos executados.
Asociación Indígena Pro-Desarrollo Integral -ASIAPRODITIPO
Obxectivo xeral: Contribuír á mellora das condicións de saúde física e seguridade psicolóxica da poboación máis vulnerable do departamento de Retalhuleu, Guatemala, con énfase nas mulleres viúvas e/ou solteiras.
Obxectivo específico: Mellorar as condicións de acceso a un hábitat domiciliar saudable da poboación máis vulnerable do departamento de Retalhuleu, Guatemala, con énfase nas mulleres viúvas e/ou solteiras, a través dun proceso colaborativo entre comunidades, autoridades municipais, organizacións sociais e cooperativas.
RESULTADO 1.1: Fortalecidas as capacidades dos titulares de dereitos, de obrigacións e de responsabilidades en materia de hábitat domiciliar no municipio de Champerico
- A.1.1.1: Implementación da fase 2 do diplomado en produción social de vivenda e hábitat ( PSVH)
- A.1.1.2: Integrar e poñer en funcionamento un observatorio cidadán de vivenda
- A.1.1.3: Brindar acompañamento á comunidade de El Triunfo Ante Fopavi para o seguimento dos proxectos inconclusos
- A.1.1.4: Elaboración dun diagnóstico e plan de empresa para a cooperativa comunitaria Beljuj Qanil
RESULTADO 1.2: Melloradas as condicións de hábitat domiciliar de 45 familias (234 persoas) de 2 comunidades do departamento de Retalhuleu en condicións de urxencia habitacional e forte vulnerabilidade, con énfase nas mulleres viúvas e solteiras
- A.1.2.1: Tarefas de organización previas á execución das melloras habitacionales
- A.1.2.2: Execución das obras
- A.1.2.3: Elaboración das escrituras de propiedade das vivendas
RESULTADO 1.3: Melloradas as condicións de habitabilidade e hixiene en 80 fogares (424 persoas) das comunidades do departamento de Retalhuleu
- A.1.3.1: Medición dos avances en materia de hábitat domiciliar saudable (liña de base e avaliación) nas 80 familias participantes no proxecto
- A.1.3.2: Implementación de cinco talleres sobre hábitos hixiénicos (2), ordenamento do sitio (1), auditoría social (1) e seguridade humana (1)
- A.1.3.3: Implementación do exercicio de ordenamento do sitio con 80 familias das comunidades do programa
RESULTADO 1.4: O proxecto xestionouse adecuadamente, a partir de criterios de transparencia, seguimento e avaliación continuos.
- A.1.4.1: Actividades de coordinación xeral e seguimento
- A.1.4.2: Avaliación final do proxecto, con enfoque de xénero.
- A.1.4.3: Taller final de sistematización da experiencia.
- A.1.4.4: Accións de difusión en Galicia dos resultados do proxecto
Directa: Mulleres (284), Homes (298), Nenas (368), Nenos (360)
Indirecta: Mulleres (1.144), Homes (1.125), Nenas (2.865), Nenos (2.729)
174.995,00 € (2018: 69.998,00 € / 2019: 104.997,00 €)