Mellora das condicións hixiénico sanitarias, de saneamento e ambientais de 489 familias (2.445 persoas aproximadamente) no sector de Santa Lucía, barrio Cienfuegos, Santiago de los Caballeros, provincia de Santiago, República Dominicana Fase II

O proxecto é a segunda (de tres fases) do proxecto “Mellora das condicións hixiénico sanitarias, de saneamento e ambientais de 489 familias (2.445 persoas aproximadamente) no sector de Santa Lucía, barrio Cienfuegos, Santiago dos Cabaleiros, provincia de Santiago, República Dominicana Fase I”, financiado pola Dirección Xeral de Relacións Exteriores e coa UE na súa convocatoria de proxectos do ano 2011, sendo unha das accións identificadas dentro do Programa Integral de Mellora do Barrio de Santa Lucía, dentro do eixo de Habitabilidade, auga e saneamento.

A segunda fase do proxecto estrutúrase en dous compoñentes, por unha banda, a mellora das condicións de saneamento e salubridade dos habitantes do barrio Santa Lucía, e doutro polo fortalecemento organizativo e a sensibilización comunitaria.

Polo que respeta o saneamento nesta segunda fase vaise a lograr que un 42,12% das familias (206) obteñan cobertura do sistema de saneamento ambiental do Barrio de Santa Lucia, dando continuidade ás obras iniciadas na primeira fase do proxecto, que unha vez finalizadas as tres fases dará servizo de canalización de augas residuais a 489 familias do barrio.

Tamén continuarase apoiando e reforzando ao Comité de Rede de sumidoiros, agrupación comunitaria creada na primeira fase do proxecto, que se encargará tanto da supervisión das obras e o apoio loxístico necesario no proceso construtivo, como do posterior mantemento que garanta a sustentabilidade das instalacións sanitarias.

No ámbito do fortalecemento organizativo e sensibilización comunitaria enfocado á equidade de xénero darase continuidade ao proceso de fortalecemento da Rede de Promoción Social do barrio a través dun programa de formación. O programa incidirá na promoción dos dereitos das mulleres e a equidade de xénero. Para iso impartiranse 4 talleres sobre Violencia de Xénero, Saúde Sexual e Reprodutiva, Xénero e Desenvolvemento e Reforzo da autoestima respectivamente, dirixidos aos 20 membros (12 mulleres e 8 homes) que integran a Rede.

A rede de promoción multiplicará a información ao resto da poboación do barrio mediante a realización de charlas e visitas domiciliarias, cada un a un determinado número familias, previamente asignadas.