Mellora do estado nutricional dos nenos e nenas das comunidades máis vulnerables de Malí

Este proxecto enmárcase no Programa País de UNICEF Malí 2020-2024, un programa que apoia o Marco Estratéxico para a Recuperación Económica e o Desenvolvemento Sostible do goberno de Malí, no contexto da Axenda 2030 para o Desenvolvemento Sostible. Así mesmo, o proxecto tamén se integra no Plan de Acción para a Igualdade entre os Xéneros de UNICEF para 2018- 2021 en concordancia co Plan Estratéxico do UNICEF para 2018-2021. Doutra banda, introdúcese co Plan Nacional para a prevención e o control da enfermidade do COVID-19, así como o Plan de reposta ao COVID-19 de UNICEF Malí.

Este proxecto pretende afianzar e ampliar o foco de atención nos distritos máis vulnerables e afectados pola crise nutricional do sur de Malí. Por todo isto, é importante a promoción de intervencións específicas nutricionais que son aquelas que teñen impacto directo na prevención e o tratamento da desnutrición. Con este proxecto perséguese previr a desnutrición crónica, que sofren un 31% das nenas e nenos nas rexións de Kayes, Mopti e Sikasso, que son das zonas máis pobres e vulnerables do sur de Malí, a través da implantación de accións que entran dentro da Xanela dos 1.000 días.

Dentro destas atópanse: a) Promoción e apoio á lactación materna, b) Mellora da alimentación complementaria a partir dos 6 meses de idade, c) Mellora de prácticas de hixiene incluíndo o lavado de mans, d) Suplemento de Vitamina A, e) Suplemento con zinc terapéutico no manexo da diarrea, f) Provisión de micronutrientes en po, g) Desparasitación e vacinación de nenos e nenas, h) Suplemento de Ferro e Ácido Fólico para prevención e/ou tratamento da anemia en mulleres embarazadas, i) Prevención da deficiencia de Iodo, a través de sae iodada, e j) Fortificación con micronutrintes aos alimentos básicos.

Para iso promocionaranse prácticas adecuadas de alimentación e coidado de lactantes e nenos de pouca idade, ademais de fortalecer a coordinación nutricional multisectorial. Así mesmo, esta intervención inclúe o fortalecemento das capacidades das familias máis vulnerables para que estean máis preparadas para previr futuros casos de desnutrición crónica.