Mellorada a Saúde Sexual e Reprodutiva da poboación do distrito de Koinadugu, con especial atención aos grupos vulnerables. Serra Leoa

O proxecto preséntase co obxectivo de mellorar a saúde sexual e reprodutiva (SSR) na comarca de Diang, así como na cidade de Kabala, mediante o fortalecemento do sistema de saúde público, así como da cidadanía e das canles de denuncia para que a poboación poida exercer a súa sexualidade de maneira saudable, sen ningún tipo de abuso, violencia ou discriminación, tomando decisións sobre a súa vida sexual e reprodutiva con liberdade, confianza e seguridade, de acordo ás súas vivencias internas (asociadas ao corpo, a mente, a espiritualidade, as emocións e a saúde) e externas (asociadas ao contexto social, histórico, político e cultural), aceptando a atención sanitaria institucional e acudindo aos centros públicos de saúde da zona de intervención.

Preténdese continuar coa experiencia desenvolta durante os 3 anos anteriores de traballo na veciña comarca de Nieni, que se empregou como proba dun modelo de actuación para a redución de problemas relacionados coa Saúde Sexual e Reprodutiva nun das contornas rurais de Serra Leoa con máis difícil acceso e peores indicadores de saúde; e, a pedimento do MoHS, exponse replicar a acción na comarca de Diang, aproveitando a experiencia previa combatendo os principais problemas de saúde sexual e reprodutiva identificados a nivel distrital (altas taxas de embarazos adolescentes, mortalidade materna, escasa adherencia aos métodos de planificación familiar , elevado número de casos de violencia baseada en xénero ou a mutilación xenital feminina (MGF), entre moitos outros), con especial atención aos grupos máis vulnerables.

Médicos do Mundo traballará para fortalecer o sistema público de saúde, a través da promoción da transversalización da igualdade de xénero e a mellora da calidade, dispoñibilidade e accesibilidade aos servizos de saúde sexual e reprodutiva dirixidos á poboación da zona de intervención, con énfase na redución da mortalidade materna, e con atención particular ás Mulleres en Idade Fértil (MEF), adolescencia, así como ás persoas en situación de prostitución (colectivos identificados como máis vulnerables), para o que se expoñen diferentes actividades, como a construción ou rehabilitación de infraestruturas sanitarias, o equipamento destas ou a formación ao persoal sanitario, para o fortalecemento dos servizos públicos de  SSR.

Igualmente, para fomentar o tecido social e a participación comunitaria para a promoción da saúde sexual e reprodutiva, realízanse accións de apoio á comunidade (sociedade civil informal) e ás ONG locais (sociedade civil formal) como titulares e responsables de dereitos, cunha clara orientación ao fortalecemento das capacidades das comunidades, mulleres e grupos máis vulnerables. Para iso, exponse actividades formativas e de sensibilización a nivel comunitario (buscando a implicación da propia comunidade no desenvolvemento e cambio da súa propia saúde), dirixidas a diferentes colectivos identificados como clave, co obxectivo de lograr a implicación da poboación na aplicación de accións de prevención en saúde primaria, reprodutiva e contra a violencia de xénero.

De igual modo, promoveranse espazos para a visibilización, denuncia e incidencia política para a mellora dos dereitos sexuais e reprodutivos e a igualdade de xénero, para o que se apoiará ao MoHS nas investigacións de mortes maternas e participarase en diferentes campañas e actividades de sensibilización relacionadas coa SSR e igualdade de xénero, con especial atención aos grupos vulnerables, incluíndo actividades relacionadas coa redución do estigma e a discriminación ás persoas en situación de prostitución.