Mocidade construtora: Fortalecemento das capacidades técnicas, organizativas, económicas, innovadoras e sostibles de mulleres e homes mozos rurais dos Municipios de Somoto, Totogalpa e Las Sabanas do Departamento de Madriz, Nicaragua

O  proxecto vai  dirixido a fomentar oportunidades para un  traballo decente  e un  crecemento económico  sustentable, en liña  co ODS8, a través da implementación dunha  estratexia integral de habilitación técnica,  liderado,  emprendemento  e  desenvolvemento económico local,  dirixido a 130  homes  e  mulleres  novas  rurais (o 23% de orixe indíxena), mediante un proceso de formación integral  e a  posta en marcha de iniciativas de negocio  individuais  e colectivas, grupos de auto- aforro  e préstamos,  e a integración destes mozos en cooperativas, fomentando o tecido asociativo local. Preténdese así  mellorar a independencia económica  e as oportunidades de emprego  e  autoemprego da  poboación nova rural,  baixo un enfoque de xénero e aplicando prácticas amigables co  medioambiente. El  proxecto insírese   dentro do Programa  Novos  Construtores, un programa internacional promovido por  CRS  en Centroamérica e implementado en Nicaragua a través do   INPRHU.

O  proxecto  expón tres compoñentes. En primeiro  lugar, fortalecer as capacidades técnicas da mocidade, a través dun programa formativo  composto por tres bloques: 1.  Emprendementos  e   asociatividade; 2. Habilidades para a vida;  e 3. Habilidades técnicas.  Estes cursos dotarán a  os  e as participantes de ferramentas   e habilidades suficientes para poder  levar a cabo  máis adiante as súas propias ideas de negocio. O segundo  compoñente consiste en mellorar  o acceso aos  recursos  e a participación no  tecido económico local dos e das titulares de dereitos,  a través da  posta en marcha de iniciativas  individuais  e/ou colectivas. Nesta etapa,  os  e as  novas presentarán  os seus  plans de negocios,  e  aqueles que  sexan viables  e  conten coa aprobación dun comité acreditado, conseguirán   financiamiento para a súa posta en marcha.

E por último, o terceiro  compoñente vai  dirixido a fomentar iniciativas de  asociatividade  a través da integración dos e das  novas graduados/as nunha cooperativa multisectorial  e en Grupos de Auto- Aforro  e Préstamos (GAAP). Para este compoñente contarase co apoio do Ministerio de Economía Familiar Comunitaria  e Cooperativa, quen impartirá cursos sobre cooperativismo, e poñerase en contacto a os e as titulares de dereitos  con Cooperativas  xa existentes na zona,  ben para que se integren nelas,  o  ben para que  o tomen como  exemplo para crear  a súa propia  estrutura. De igual  maneira promoverase a creación de Grupos de Auto- Aforro  e Préstamo (GAAP) nas comunidades, que consisten en grupos conformados por mozos  participantes no  proxecto, familiares  e  outras  persoas dentro das  súas comunidades que estean interesadas, con obxectivos  comúns, que  aforren cada semana  e unan  o seu  diñeiro nun fondo común, do cal  os seus  membros  poderán solicitar préstamos  segundo  regras acordadas de participación, convivencia,  achega  e beneficios. Con este último  compoñente preténdese fomentar o  tecido asociativo local.