Mulleres bravas de Honduras e Galicia. Tendendo pontes entre defensoras da vida

O proxecto ten como obxectivo visibilizar as problemáticas globais relacionadas coa sobreexplotación de recursos naturais en todo o mundo e que afectan especialmente aos países empobrecidos (extracción de materias primas, produción de enerxía, e explotación da terra, entre outras). A través da conexión das realidades de Honduras e Galicia, abórdanse obxectivos como a reflexión sobre os impactos ambientais e sociais do noso actual modelo de consumo e desenvolvemento, así como alternativas sostibles de xestión dos recursos que exemplifiquen que outro modo de producir, consumir e vivir é posible. Trátase dun proxecto cuxo xermolo foi o desenvolto en 2019 por ESF Galicia. Neste caso se une AdT Galicia, ao estar de novo AdT presente na zona do sur de Honduras, e ter colaborado as dúas organizacións na difusión da realidade do Golfo de Fonseca.

Para a realización do proxecto séguense dúas liñas de acción, a primeira consistente en crear pontes de unión entre os movementos da sociedade civil de Honduras que presenten alternativas sustentables, e o segundo en visibilizar o enfoque de cidadanía global das resistencias ao extractivismo e das alternativas sustentables nos públicos meta máis accesibles polas entidades solicitantes (escolas universitarias e colectivos cidadáns de defensa do territorio).